Қидирув

Деньги

от 1. Олди-сотди ёки тўлов муомалаларида нарх, баҳо, қиймат ўлчови бўлган металл ёки қоғоз белги; ақча.

Қоғоз пул. Танга пул. Нақд пул. Пул майдаламоқ. Пул бўлса, чангалда шўрва. — Мақол

Пули куйган қалампир чайнар. — Мақол

Сидиқжон кечки пайт кўчага чиқмоқчи бўлган эди, Анзират хола, унинг пули ёʻқлигини билгандай, соч олдиргани пул берди. — А. Қаҳҳор, Қўшчинор чироқлари

Ёʻлкирага пулимиз, пиёда қайтишга иложимиз бўлмаганидан қолиб кетдик. — М. Исмоилий, Фарғона тонг отгунча

[Санавбар Хайринисога:] Сизга ҳам гапираман, пул учун имони ва қизини сотадиган отамга ҳам гапиравераман. Ҳамза, — Туҳматчилар жазоси

2. Сармоя, маблағ.

Қурилишга пул ажратмоқ.

Пул-чи? Пул ҳам туғади. Жуда кўп туғади, тез туғади, айниқса, бу замонда пул сертухум бўлиб кетган. — Ойбек, Танланган асарлар

Нуқул пул ва фойда кетидан қувсак-да, аммо одамларимиз руҳан қашшоқ бўлиб қолишса, бундай жамиятнинг ҳеч кимга кераги ёʻқ. — Газетадан

3. с. т. Иш ҳақи; маош.

Қоровул пули. Бугун пул оладиган кунимиз.

4. эск. Баъзи ерларда ярим тийинга, баъзи ерларда бир тийинга тенг бўлган пул ўлчов бирлиги ва шу қийматдаги майда пулнинг ўзи.

Нарх билиб келган болага йигирма пул бериб, орқаси куймаганини олиш шарти билан нонга юборди. — А. Қодирий, Меҳробдан чаён

Йиқитган болаларга икки пулдан соврин бериб томоша қилиб ётган икки бойнинг бири шу — Ниёзмат ҳожи бўлиб, ҳаждан янги келган йиллари эди. — А. Қаҳҳор, Сароб

5. Афғонистоннинг асосий пул бирлиги — афғонийнинг юздан бир улушига тенг майда пул, танга.

фл. с. т. Нарсани пул эвазига бермоқ, сотмоқ.

Маҳсини уч кун ҳайитда кийиб, сақлаб қўйгандим, ана уни пуллаб, тагчарм оламиз. — Ойбек, Танланган асарлар

— Хўжайин, — деди, — аввало Деҳқонбой бўйинтоблик қилди, бизлар ҳам бўш келмай, ҳукм чиқариб, ҳовлисини пулладик. — У Исмоилов, Сайланма

Товарное обеспечение денег

Скорость обращения денег

Наличные деньги