«poylanmoq» — поиск

poylanmoq

Толковый словарь узбекского языка

fl. Poylamoq feʼlining majhul nisbati.

poylamoq

Толковый словарь узбекского языка · ещё в 5 словарях

fl. 1. Biror kimsa yoki narsaning kelishini kutmoq.

Tramvay poylamoq.

Endigina oʻn uch yoshga kirgan Usmonjon esa kunduzi odamlarning kelishini poylab, bir-ikki tanga pul ishlar — S. Zunnunova, Olov

Axir, bu bola tili chiqqandan beri dadasini yoʻqlaydi, kelishini kutib, yoʻlini poylaydi. — S. Ahmad, Ufq

Bekatda chamadonini yoniga qoʻyib oʻtirib, avtobus poyladi. — Yoshlik

2. Biror voqea yoki hodisaning sodir boʻlishini, roʻy berishini kutmoq.

Yomgʻir tinishini poylamoq.

Boshqa uylarda qarindosh-urugʻlar va nikohni poylab yotgan xotinlar bor edi. — Oybek, Tanlangan asarlar

Doshqozonda qaynar sumalak, Onaxonlar tongni poylaydi. — Saodat

3. Biror kimsa yoki narsaning xavfsizligini, daxlsizligini saqlamoq, qoʻriqlamoq.

Nega boylar uyin poylab, Tomda shamdek qotamiz! — Hamza

Mingboshining darvozasini mirshab poylab turibdi. — M. Ismoiliy, Fargʻona tong otguncha

4. Zimdan kuzatmoq, taʼqib qilmoq; payida boʻlmoq.

Uni birdan qoʻrquv bosdi: goʻyo allaqanday yashirin koʻzlar tevarakdan ularni poylab turgandek sezildi. — Oybek, Tanlangan asarlar

Poylab boribsan-da, hammasini koʻribsan-da — S. Ahmad, Saylanma

5. s. t. Moʻljalga, nishonga olmoq, moʻljallamoq.

Ayiqning oyogʻini poylab oʻq uzmoq. Olmani poylab tosh otmoq,. Quyonni poylab otmoq.

Ajdarning toʻxtaganini poylab turib, yana ikkinchi koʻziga yoydan oʻq otib yubordi. — M. Mahmudov, Bulbuligoʻyo

Payt (yoki fursat) poylamoq Qulay fursatni kutmoq. Kuyov bilan kelin payt poylab, bir-birlarining atrofida anchagina aylanib yurishdi. — M. Osim, Karvon yoʻllaridaPayt poylab yurardi, mana bugun oʻsha payt keldi. — M. M. Doʻst, LolazorFursat poylab, atrofida aylanishib yuraveradi. — Sharq yulduzi
Gap poylamoq Birovlarning gapiga zimdan quloq solib, maʼlumot toʻplamoq, gap oʻgʻirlamoq. Gap poylamoq sizdan lozimmi, axir. — P. Tursun, OʻqituvchiQaysi burchakdadir bekinib, gap poylab yotgan Rahim Tarzanni ergashtirib keldi. — H. Nazir, Yonar daryo
Ogʻzini poylamoq Birovning belgili bir masala yuzasidan nima deyishini, qanday mulohaza bildirishini yoki javob aytishini kutmoq. Nizom boʻlsa toʻng, kechgacha ogʻzini poylasang ham, bir soʻz chiqmaydigan kamgap bola boʻldi. — S. Ahmad, UfqNusratbek oʻzini qiynab yurgan savollarga bir yoʻla najot topadigandek uning ogʻzini poyladi. — S. Nurov, Maysalarni ayoz urmaydi
Qadamini poylamoq 1. Kimsaning yurish-turishini zimdan kuzatmoq, taʼqib qilmoq. Yaxshiboyev sassiz kuldi. Taʼrifi shuki, oʻlguday xira, deb oʻyladi, kasalxonada menga qoʻshni, qadamimni poylaydi. — M. M. Doʻst, Lolazor