Поиск

ot 1. Parchalangan narsaning bir qismi; boʻlak, parcha.

Pora boʻlmoq. Pora qilmoq.

Qudrat, taxta porasi ustida hushsiz qolgan Farhodday, oʻz ixtiyorini unga berib ojiz qoldi. — Z. Fatxullin, Soʻnmas yulduz

Burgut uni changalga olib, Mushuk jagʻin qilibdi pora. — Ya, Qurbon

Oʻsma qoʻyding-mu qoshingga, Bunchalar ham qoradur, Bilmadim, bu qoshlaringdan Qancha dillar poradir. — E. Vohidov, Yoshlik devoni

Sening yuragingda laxta-laxta qon, Siynang nimalardan boʻlmagan pora. — A. Oripov, Yillar armoni

2. esk. kt. Toʻda, toʻp, guruh.

Men bir pora yigitlarni olib, yovning orqasiga oʻta bildim. — Oybek, Navoiy

3. esk. kt. Asarning tugal qismlaridan biri; qism, boʻlim; bob.

Oʻttiz pora qurʼonni yod olmoq.

ot Dengiz yoki daryo qirgʻogʻida kemalar turadigan va taʼmirlanadigan, yuk yuklash va tushirishga moʻljallangan, kemalarni noqulay ob-havodan muhofaza qiluvchi inshootlari boʻlgan, maxsus jihozlangan joy.

Dengiz porti, Port osmonini qora tutun qopladi. — H. Gʻulom, Zamin yulduzlari

Dunyodagi eng gavjum port Roterdam (Gollandiya) hisoblanadi. — Gazetadan

ot 1. s. t. Bashang, olifta.

Ulardan biri shimiga gard yuqtirmaslik uchun ikki yonidan koʻtarib olgan, avaylab qadam bosayotgan poʻrim yigit Shavkat edi. — J. Abdullaxonov, Tong yorishgan sohilda

— Ja poʻrim boʻlib olibsanlar, — dedi u doʻlvor tabiatiga yarashmaydigan jiddiy qiyofaga kirib. — Sharq yulduzi

2. Zeb berilgan, hashamdor.

Bizdan nari uch qishloqning kolxozida Hisobchimish, poʻrim oynak shum koʻzida. — Gʻ, Gʻulom

— Siz, — dedi Azmiddin kalta siyrak soqolini poʻrim tarashlagan Boʻronbekka qarab. — Siz, Bek janoblari, Kamol bilan birga Rahmonqul qarorgohiga joʻnaysiz. — Gʻ. Gʻulom, Mashʼal

ot Didga mos keladigan, koʻngildagidek, yoqimli.

Porom kelmoq.

— Bu yer menga porom kelib qoldi. Xizmatni ayamadim, — dedi Shum bola. — Gʻ. Gʻulom, Shum bola

Komissiyaning soʻzlari Avazboyga uncha porom kelmadi. — N. Safarov, Olovli izlar

Kino muhabbatdan bahs qiladigan boʻlganidan juda durust, ayniqsa, menga porom edi. — Gʻ. Gʻulom, Tanlangan asarlar

ot Patron va snaryadlar tayyorlash uchun ishlatiladigan, koʻp tarkibli portlovchi moddalarning zichlashtirilgan qattiq aralashmasi.

Tutunsiz porox. Qora porox,

Otiladigan qurollarda ishlatiladigan portlovchi modda — poroxni dastlab hindlar kashf etdi — Fan va turmush

Shamol porox tutunining oʻtkir hidini olib keldi. — P. Qodirov, Uch ildiz

sft. 1. Porlab, nur sochib turadigan, nurdek ravshan.

Quyosh nuri juda koʻrkam, yuksak va porloq, Nurin hatto ayamaydi vayronadan ham. — Gʻ. Gʻulom, Tanlangan asarlar

Fazodan teranroq nima bor ekan? Yulduzlar bazmidan porloq qay yigʻin? — A. Oripov, Yillar armoni

2. koʻchma Baxt-saodat, istiqbol sari boshlovchi; ravnaqli, nurafshon.

Porloq kelajak.

Ey yasha, porloq kun, baxtli kelajak. Omon boʻl, Vatanim, ming yillar boqiy! — Gʻ. Gʻulom, Tanlangan asarlar

Dadil bosilgan qadam porloq kelajakning ustunidir. — Saodat

Choʻl havosini oʻqib, suyunib ketdim. Birdan lov etib, alanga bilan boshlangan ijodning kelajagi porloq boʻladi. — A. Qahhor, Asarlar.