от 1. Нарсаларга безак учун тақиладиган бир боғлам тола, пат, ип ва шу кабилар.
Дўппи попуги.
Шарофат, паранжининг попугини эшиб, ерга қараганича ўтирар, афтидан, бу саволга жавоб бермоқчи эмас эди. — А. Қаҳҳор, Қўшчинор чироқлари
2. Гажим, шокила.
Байроқ попуги.
Зайнаб гиламнинг попугини чирмаб, ниманингдир хаёлини сурар. — А. Қодирий, Ўтган кунлар
Каромат она., дастурхон попугини ўйнашда давом этди. — Т. Алимов, Совчи
3. Ёш қизларга нисбатан эркалаш маъносида ишлатилади.
Олдинда сизлар, ой попукларим. — Ойбек, Олтин водийдан шабадалар.
— Сиз, попук қизим, этагингизга памилдори, ловия териб чиқинг, — деди амма Мунавварга. — С. Анорбоев, Меҳр
4. Шокилали қоғозга ўралган конфет.
Бир кампир сепкилдор боланинг чап ёнидаги кўйлак кийган қизчага попук узатади, кейин уни кўтариб олади. — Р. Файзий, Сен етим эмассан
5. Попук (хотин-қизлар исми).
- Попуги пасаймоқ Домланинг нутқларидан кейин одамларнинг попуги пасайиб қолди. — Э. Раимов, Ажаб қишлоқРаҳимжон попуги пасайиб, нафаси чиқмай қолди. — Ҳ. Назир, Ёнар дарё
- Попук илдиз Ўқ илдиз қуригач, унинг ўрнига поянинг остидан ўсиб чиқадиган кўп сонли майда илдизчалар (кўриниши попукка, шокилага ўхшайди).