Qidiruv

fl. Popillamoq feʼlining orttirma nisbati.

Pravoslaviye cherkovida oʻrta darajali ruhoniy.

Poplar qoʻngʻiroqlarni ura berdi, qoʻngʻiroqning tovushi olamni tutdi. — Goʻroʻgʻlining tugʻilishi

Rustam kamgap boʻlib yurar edi, baʼzan butxonaga pop bilan birga borib, tushgan pullarni yigʻib olar edi. — Yoshlik

fl. Pop-pop etgan tovush chiqarmoq.

Kitoblar popillab yerga tushdi.

Dakan yerga ogʻir yukday popillab tushdi. — M. Ismoiliy, Fargʻona tong otguncha

Toʻla oʻrtogʻining yupun palto tagidan suyagi turtib chiqqan yelkasiga popillatib urdi. — M. Ismoiliy, Bizning roman

ot shv. ayn. Popuk. 1.

Bu tuyalarning boʻyinlariga va tizzalariga kumush qoʻngʻiroqlar, noʻxtalariga ipakli qizil poʻpaklar taqilgan ekan. — S. Ayniy, Esdaliklar

Soʻyla, doʻmbira, boqayin, Boshingga poʻpak taqayin. — M. Alaviya

ot 1. Popop mashina Matolarga ilma igna bilan gul tikadigan mashina.

Nabigulning akasi Qodirga popop mashina bilan gul solingan qora baxmal bir roʻyja koʻrsatdi. — A. Qahhor, Qanotsiz chittak

2. Kashtachilikda chok turi, yoʻrma.

ot 1. Narsalarga bezak uchun taqiladigan bir bogʻlam tola, pat, ip va shu kabilar.

Doʻppi popugi.

Sharofat, paranjining popugini eshib, yerga qaraganicha oʻtirar, aftidan, bu savolga javob bermoqchi emas edi. — A. Qahhor, Qoʻshchinor chiroqlari

2. Gajim, shokila.

Bayroq popugi.

Zaynab gilamning popugini chirmab, nimaningdir xayolini surar. — A. Qodiriy, Oʻtgan kunlar

Karomat ona., dasturxon popugini oʻynashda davom etdi. — T. Alimov, Sovchi

3. Yosh qizlarga nisbatan erkalash maʼnosida ishlatiladi.

Oldinda sizlar, oy popuklarim. — Oybek, Oltin vodiydan shabadalar.

— Siz, popuk qizim, etagingizga pamildori, loviya terib chiqing, — dedi amma Munavvarga. — S. Anorboyev, Mehr

4. Shokilali qogʻozga oʻralgan konfet.

Bir kampir sepkildor bolaning chap yonidagi koʻylak kiygan qizchaga popuk uzatadi, keyin uni koʻtarib oladi. — R. Fayziy, Sen yetim emassan

5. Popuk (xotin-qizlar ismi).