Поиск

ot 1. Muayyan tekislik, rasm yoki chizmadagi uzun tekis iz; muayyan maydon, boʻshliqning tor, kambar qismi.

2. Biror narsaning alohida, choʻzilib ketgan qismi, mintaqa.

Dovul 200 metrdan 6 kilometrgacha kenglikdagi uzun ensiz polosa boʻylab harakatlanadi. — Fan va turmush

3. plgrf. Terilgan matndagi, bosma nashrdagi bet, sahifa.

Maqola gazetaning ikki polosasini egalladi. Gazetaning soʻnggi polosasidagi eʼlon.

ot 1. Arqogʻi va oʻrishi bir xil yoʻgʻonlik va qalinlikda boʻlgan, ipak, ip, kanop va shu kabilardan tayyorlangan pishiq va silliq gazlama va undan tikilgan kiyim.

Ipakli polotno. Shtapel polotno

Ularda [dastgohlarda] rang-barang trikotaj polotnolar toʻqish imkoniyatiga egamiz. — Gazetadan

— Duxoba, krepdeshin., polotno, shotlandkalar toʻqiymiz, — deyishibdi chevarlar. — Sh. Gʻulomov, Yorqin yoʻllar

Yupqa bluzkadan ham, krepdeshin, polotno koʻylaklardan ham unga toʻq koʻk shol koʻylak maʼqul boʻldi. — Saodat

2. Odatda boʻzsimon maxsus matoga chiziladigan katta yaxlit surat.

Mashhur rassom polotnolari.

Rassom Sharq ayollari obrazini yaratish ustidagi ishlarni davom ettirib, bir qator rang-barang polotnolar yaratdi. — Gazetadan

Ayni kunlarda T. Jamoliddinov yangi polotnolar ustidagi izlanishlarini davom ettirmoqda. — Gazetadan

3. koʻchma Biror tarixiy voqea-hodisani keng va har tomonlama tasvirlagan badiiy asar.

T. Qayipbergenov adabiyotimizni Qoraqalpoq dostoni nomli yirik tarixiy polotno bilan boyitdi. — OʻTA

4. maxs. Temir yoʻl yoki shossening tosh, shagʻal va shu kabilardan koʻtarib ishlangan asosi, koʻtarmasi.

Olislarga choʻzilib, ufqqa singib ketgan temir yoʻl polotnosi xayolimni olib ketdi. — S. Ahmad, Qadrdon dalalar

ot 1. Behalovat, tartibsiz oʻyin, shoʻxlik.

Bola-da. Bola boʻlgandan keyin, toʻpoloni, shoʻxligi bilan boʻladi-da! — Shuhrat, Shinelli yillar

Hamroyev kechki ovqatdan keyin birpas choʻzilmoqchi boʻlgan edi, toʻgʻri kelmadi: narigi uy toʻpolon — bolalar bir-birini yostiq bilan urib oʻynayotibdi. — A. Qahhor, Ayb kimda?

Har bir toʻyda toʻpolon qilib, bearmon oʻynab-kulishga oʻrgangan bolalar bu ulugʻ toʻydan norozi edilar. — Oybek, Tanlangan asarlar

2. Umuman, betartib gʻovur-gʻuvur harakat; yugur-yugur, qiy-chuv, ur-yiqit.

[Joʻra:] Ogʻayni, bu yana nima toʻpolon? — I. Sultonov, Burgutning parvozi

Sen toʻpolonda bilmading. Melis ikkalamiz Gʻani toʻtini ham rosa doʻpposladik. — E. Raimov, Ajab qishloq

Vahimaga tushgan qoʻshin birdan oʻzini orqaga tashladi, ammo ur-sur toʻpolonda koʻprikka sigʻmay, ot-ulovlari bilan suvga tutday toʻkila boshladi. — P. Qodirov, Yulduzli tunlar

3. Urish-janjal, mashmasha, mojaro.

Arzimagan gap ustida dunyo buzgan kundosh toʻpolonlari kimning qulogʻiga yoqsin? — A. Qodiriy, Oʻtgan kunlar

Sherbek Oqsoyga toʻrt kun deganda, toʻpolon ustiga yetib keldi. — S. Anorboyev, Oqsoy

Bir toʻpolon chiqazib, obroʻsini uch pul qilay dedim-u, yana shaytonga hay berdim. — Mushtum

4. koʻchma Isyon, gʻalayon.

Toʻpolon chiqarmoq (koʻtarmoq).

[Navoiy :] Shohim mendan nima istaydilar. [Husayn:] Darveshali toʻpolonini bartaraf qilish va fitnachini tiriklay tutib keltirishni oʻzlariga havola qilsak. Uygʻun va — I. Sulton, Alisher Navoiy

Suvoriy kazaklar kimdandir darak topib, gʻalayonni bostirgani kelishgan edi. Toʻpolon bosilib, Madrasa oldi jimjit boʻlgach, yana kazarmaga qaytib ketdilar. — S. Siyoyev, Avaz

sft. Narsa va hodisalar tipiga xos boʻlgan; tipologiyaga aloqador, oid; muayyan narsa va hodisalarga oid belgilarning umumiyligini, mushtarakligini aniqlashga, belgilashga asoslangan.

Tillarning tipologik tasnifi.

Mualliflar tipologik oʻxshashlik, shuningdek, regional genetik yoki kontakt munosabatlarning mavjudligi bilan izohlanadigan faktlarga daxldor masalalarga murojaat qilganlar. — UTA

ot Antropologiya olimi, mutaxassisi.

Antropologlar qadimgi odamlar toʻgʻrisida nodir maʼlumotlar olishda imkoniyatlardan keng foydalanishmoqda. — Fan va turmush

ot 1. Obyektlar tizimini qismlarga ajratish va ularni umumlashma model yoki tip yordamida guruhlashtirishdan iborat ilmiy metod.

2. tlsh. Til tuzilishining muhim belgilarini ayrim olingan tillar qurilishini oʻrganish, ularni har tomonlama taqqoslash asosida aniqlovchi va umumlashtiruvchi tilshunoslik boʻlimi.