Hayot Foundation loyihasi
Loyiha haqida
Oʻz
Oʻz

Qidiruv

«polli» boʻyicha 52 ta natija: Izohli

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik Frazeologik

Lugʻat maqolalari

50 ta
pol

ot 1. q.x. Ekin maydonining atrofi marzalar bilan toʻrtburchak shaklida koʻtarilgan va bostirib sugʻorish uchun moslangan bir boʻlagi.

Bir pol iyuli. Ikki pol piyoz. Polga suv qoʻymoq.

Charaqlab oftob chiqib, sholikorlik pollarini toʻldirgan yomgʻir suvlarini oynadek yaltiratdi. — S. Ahmad, Ufq

Tushgacha arang uch pol yerdagi pichanni oʻrib oldim. — Yoshlik

2. s. t. Marza.

Pastga ekdim sholini, Baland koʻtar polini. — Qoʻshiqlar

  • Pol olmoq (yoki qilmoq) Atrofini marza bilan oʻrab, yerni pol shakliga keltirmoq. Pol olib, piyoz urugʻi sepmoq.Barcha ekin maydonlari yigirmanchi noyabrdan yigirmanchi dekabrgacha pol olib, ikki marta qalqitib sugʻoriladi. — Oʻzbekiston qoʻriqlari
Toʻliq maqola →
poʻla

ot Zarb yeb yoki pishib oʻtib ketib ichi tushgan, ichi boʻsh.

Poʻla qovun. Qovunning yomoni —

poʻla, Xeshning yomoni — boʻla. — Folklor

  • Boshi poʻla boʻlmoq Miyasi qattiq zarbdan chayqalmoq, lat yemoq.
  • Poʻla bosh Gap uqmaydigan, kaltafahm, galvars. Bu poʻla boshga endi tushuntirdim-a. Oʻzi yumshoq supurgi boʻlib koʻrinsa ham, toshdan ham qattiq ekan, zangʻar, — deb yana sipqordi. — K. Yashin, Hamza
  • Poʻla boʻlmoq Zarb, lat yemoq. Safarboy oʻn yigiti bilan dabdala boʻlib, balki toza poʻla boʻlib, koʻp qamchini yeb, Chambilga qaytdilar. — Avazxon
Toʻliq maqola →
polk

ot Odatda diviziya yoki brigada tarkibiga kiradigan va bir necha batalon va rotadan tashkil topgan harbiy qism.

Piyoda askarlar polki. Tankchilar polki.

Ertalab gospital joylashgan bogʻ oldidagi maydonga butun polk yigʻildi. — O. Yoqubov, Izlayman

Polk ikki kunli marshdan keyin bepoyon, kun tushmas qalin bir oʻrmonga oʻrnashganicha qolib ketdi. — A. Qahhor, Oltin yulduz

Toʻliq maqola →
poʻlat

ot 1. Temirning maʼlum miqdordagi uglerod bilan qoʻshilishidan hosil boʻlgan, kulrang, choʻkichlanuvchi qattiq metall.

Zanglamaydigan poʻlat.

Ie-ye, menda poʻlat nima qiladi, taqsir. Eski taqalar, temir-tersaklar bilan zoʻrgʻa qimirlab turibmiz. — M. Ismoiliy, Fargʻona tong otguncha.

2. Shu metalldan tayyorlangan, yasalgan.

Poʻlat sim. Poʻlat qaychi. Poʻlat tish. Poʻlat pichoq qinsiz qolmas. — Maqol

3. folk. Qilich, shamshir.

Olmos poʻlat bogʻlab men ham belimdan, Dev izlab chiqqanman oʻsgan elimdan. — Malikayi ayyor

Poʻlat bilan qirdi devni, keskir xanjarini urdi, yalangʻochlab qilich soldi. — Malikayi ayyor

4. koʻchma Metinday mustahkam, buzilmas, yengilmas.

Poʻlat qalʼa.

5. Kuchli, zabardast.

Qish. Dehqon ahlining poʻlat muskullariga hordiq beradigan, koʻngil yozadigan fasl. — Oʻzbekiston qoʻriqlari

Bizning poʻlat qudratimiz — birligimizda. — M. Shayxzoda

6. Poʻlat (erkaklar va xotin-qizlar ismi).

  • Poʻlat iz Yangi mashinalar kelar birin-ketin Doʻstlik qura olgan poʻlat izlardan. — Zulfiya
  • Poʻlat Poʻlat otni oʻynatib, Traktorchi boʻlaman. — Q. Muhammadiy.
  • Poʻlat sandiq
  • Poʻlat qush Koʻkda rango-rang poʻlat qushlar hamisha posbon. — Habibiy, Devon
Toʻliq maqola →
poliz

ot Qovun, bodring kabi palak otib oʻsadigan ekinlar ekiladigan maydon, paykal.

Poliz ekinlari. Polizni sugʻormoq.

Ana, ikki yondagi paxsa devorlar chekinib, oldinda tep-tekis poliz koʻrindi. — O. Yoqubov, Er boshiga ish tushsa

Polizlarda qovun-tarvuzlar shiraga toʻlgan, ishkomlar hosildan beli bukilib qolgan toʻkin, barakali kuz boshi edi. — S. Ahmad, Ufq

Toʻliq maqola →

Hammasini koʻrish · 50 →

Taʼriflar ichida

1 ta
lampa

lampa Yoritish uchun ishlatiladigan, yonayotgan (pilikli) qismini oʻziga xos shakldagi shisha qoplab turadigan asbob; chiroq. Elektr lampa Raʼno ayvon labida qoʻlini kero

Sheva materiallari

1 ta
hok-chok
Qashqadaryo viloyati · turtki, kesatiq, achchiq gap, qoʻpollik