Изоҳли луғат
· яна 8 та луғатда
от 1. қ.х. Экин майдонининг атрофи марзалар билан тўртбурчак шаклида кўтарилган ва бостириб суғориш учун мосланган бир бўлаги.
Бир пол июли. Икки пол пиёз. Полга сув қўймоқ.
Чарақлаб офтоб чиқиб, шоликорлик полларини тўлдирган ёмғир сувларини ойнадек ялтиратди. — С. Аҳмад, Уфқ
Тушгача аранг уч пол ердаги пичанни ўриб олдим. — Ёшлик
2. с. т. Марза.
Пастга экдим шолини, Баланд кўтар полини. — Қўшиқлар
- Пол олмоқ (ёки қилмоқ) Атрофини марза билан ўраб, ерни пол шаклига келтирмоқ. Пол олиб, пиёз уруғи сепмоқ.Барча экин майдонлари йигирманчи ноябрдан йигирманчи декабргача пол олиб, икки марта қалқитиб суғорилади. — Ўзбекистон қўриқлари