Поиск

ot 1. Qatlam, qavat;

tuproq (yer) qatlami;

koʻmir qatlami;

2. s.t. kit. Qatlam, toʻda, gruppa;

yangi oʻzlashtirma soʻzlar qatlami;

sft. 1. Plastikaga, oʻymakorlikka, haykaltaroshlikka oid.

Plastik sanʼat.

2. Tananing nafosatli, mayin ritmik harakatlariga asoslangan; goʻzal, muloyim.

Plastik harakat. Plastik pantomimalar.

Teranlik ham, yuksaklik ham qalbda tugʻiladi. Ana shu qalb manzaralarini, holatlarini plastik harakatlar orqali ifodalash mumkin. — Saodat

3. Bosim, tashqi kuch taʼsirida muayyan shaklga kira oladigan va bosim toʻxtagach, shu shaklini saqlab qoladigan.

Plastik massa. Plastik modda.

ot Yaraga, chipqonga yopishtirib qoʻyiladigan, yopishqoq dori surtilgan qalin mato parchasi.

Plastir silindr shakliga oʻxshash boʻlib, chipqonlarni pishirish yoki yalligʻlangan oʻchoqlarni bartaraf qilish va hokazolar uchun ishlatiladi. — N. Ismoilov, Kasallarni parvarish qilish

ot 1. Oʻymakorlik (ganchkorlik) va haykaltaroshlik sanʼati.

Oʻzbek plastikasi. Plastika maktabi.

2. Haykaltaroshlikda va tekislikdagi tasvirda badiiy shaklning hajmiy, koʻzga koʻrinarli sifatlari.

3. Xoreografiyada: tananing raqs ruhi va uslubiga mos muloyim va nafis harakatlari hamda shunday harakatlar sanʼati.

ot Plastina; taxtasimon yoki plankasimon narsa (yassi qattiq jism);

temir taxta;

deraza oynasining plastinasi.

ot Loy, mum va moy-boʻyoqlardan tayyorlanadigan, tez qurimaydigan plastik massa.

Plastilindan haykalchalar yasamoq.

Tugmaning izi plastilinga tushirilib, uning katta surati olindi. — Gazetadan

Bogʻchada bola rasm chizadi, plastilindan turli buyumlar yasashni oʻrganadi. — Gazetadan