Поиск

ot biol. Plankton (dengiz va daryolarda yashaydigan, suv oqimi bilan harakat qiluvchi hayvonlar va oʻsimliklardan iborat organizmlar dunyosi).

ot 1. Tekislikdagi joy, narsa, inshoot va shu kabilarni masshtab boʻyicha batafsil tasvirlovchi shartli belgilari boʻlgan chizma.

Binoning plani. Shaharning plani.

Geologlar shaharchasining markaziy koʻchasi plan asosida qayta qurilmoqda. — S. Anorboyev, Oʻzbekiston oltini

Qishloqning planini, koʻchalarini, uylarini koʻrdingiz. Mana bu koʻcha hozirgi goʻristonning bir chekkasidan oʻtadi. — A. Qahhor, Qoʻshchinor chiroqlari

2. ayn. Reja 2.

Beruniy tumani sohibkorlari yillik plan bajarilganligi haqida raport berdilar. — Gazetadan

[Dilbar:] Peshqadam ishchi kuniga plandagi 480 ta oʻrniga 650 tacha roʻmolning chetini tikadi. — Gazetadan

3. esk. Biror ishni amalga oshirish tartibi.

Sayohat plani.

Solih laboratoriyaga kirib, oʻz joyiga oʻtirdi-da, qilinishi kerak boʻlgan tajribalar planini tuza boshladi. — O. Moʻminov, Xiyobondagi uch uchrashuv

Qani, ayt-chi, biror maqsading, planing bormi oʻzi oʻylab yurgan? — T. Ashurov, Oq ot

4. esk. Biror narsani bayon etishdagi muayyan tartib, izchillik.

Dissertatsiya plani. Leksiya plani. Hikoya plani. Dars plani.

Oʻrtoq Obidov bu konspekt emas, plan [dedi Nishonov]. — S. Zunnunova, Yangi direktor

5. kino Obyektning, masalan, kinokadrda suratga olingan maydonning tasvirdagi oʻrni va uning katta-kichikligi.

Oldingi plan. Yirik plan. Tasvirlarni oʻrtacha planda bermoq. Yuzni yirik planda suratga olmoq.

ot 1. Orqasiga ogʻir metall parchasi, tanga, chaqa va shu kabilar yopishtirilgan uzun-uzun junli teri parchasidan iborat, tepib oʻynaladigan bolalar oʻyini.

Lanka yasamoq.

2. Shu oʻyinning oʻzi.

Lanka oʻynamoq. Lanka tepmoq.

ot s.t. ayn. Blank.

sft.

Planli yurish. Butun ishlarni planli ravishda olib bormoq.

Planli ish tufayli kollej jamoasi barcha sohalarda yuksalish pilla-poyalaridan dadil odim tashlab bormoqda. — Gazetadan

ot 1. Oftob nuridan toʻsilgan joy; soya.

Abduvahob ayvondagi koʻlankaga oʻtirdi, oʻgʻilchasini tizzasiga olib, peshonasidan oʻpdi. — Sh. Toshmatov, Erk qushi

Mashina teraklarning quyuq koʻlankasi ostida uchib borarkan, Qudratning doʻstlari koʻm-koʻk va boʻliq paxtazor dalalarni unga koʻrsatib, faxrlanar edilar. — Z. Fatxullin, Soʻnmas yulduz

2. Kishi va narsalarning yorugʻlikka qarama-qarshi tomonga tushadigan soyasi.

Aravani ot tortar, koʻlankasini it tortar. — Maqol

Olis-olislarda yigitlarning koʻlankalari koʻrinadi. — Oʻzbekiston qoʻriqlari

Roʻparadagi uyda chiroq yondi. Darparda orqasida tebranib turgan koʻlanka toʻxtadi. — Gazetadan

Qaragʻaylarning koʻlankasi tungi sokin havoda qimir etmay turardi. — M. Muhamedov, Qahramon izidan

3. Uzoqda, qorongʻilikda, tumanda gʻira-shira koʻringan narsa; qora, sharpa.

Koʻngli aldamagan ekan: uzoqdan allaqanday koʻlanka qorayib koʻrindi. — X. Sultonov, Onamning yurti

Bashorat yaqin bordi, koʻlanka yana qimirladi. — A. Muxtor, Opa-singillar

4. koʻchma Biror ichki ruhiy holatning (masalan, tashvish, gʻam, azob) ifodasi, aksi.

Sheʼriyat boshiga zulmat koʻlankasi tushdi. Zulfiya, Xayollar, tuygʻular.

uning [Madrayimning] nuroniy chehrasini, xuddi quyoshni bulut bosganidek, qaygʻu-alam koʻlankasi chulgʻab oldi. — Mushtum

Iqbol xola uning chehrasidagi alam koʻlankasini ilgʻamadi. — Oʻ. Hoshimov, Qalbingga quloq sol

5. koʻchma (3-sh. egalik va oʻ.-p. k. shaklida) Biror kimsaning himoyasi; panoh, homiylik.

Birovning koʻlankasida yashamoq.

— Qalay, Homidbek, yurtlaringiz tinchlikmi? — Xudoga shukur, davlatlari koʻlankasida. — A. Qodiriy, Oʻtgan kunlar

6. kam qoʻll. Narsalarning boshlangʻich shakli, hali toʻla shakllanmagan umumiy koʻrinishi.

Chigit ekish boshlanguncha, yangi qishloqning koʻlankasi koʻrinib qoldi: hali ochilmagan koʻchalarning ikki yuziga sakson besh mingdan ortiq koʻchat oʻtqazildi. — A. Qahhor, Qoʻshchinor chiroqlari