Поиск

ot 1. Tekislikdagi joy, narsa, inshoot va shu kabilarni masshtab boʻyicha batafsil tasvirlovchi shartli belgilari boʻlgan chizma.

Binoning plani. Shaharning plani.

Geologlar shaharchasining markaziy koʻchasi plan asosida qayta qurilmoqda. — S. Anorboyev, Oʻzbekiston oltini

Qishloqning planini, koʻchalarini, uylarini koʻrdingiz. Mana bu koʻcha hozirgi goʻristonning bir chekkasidan oʻtadi. — A. Qahhor, Qoʻshchinor chiroqlari

2. ayn. Reja 2.

Beruniy tumani sohibkorlari yillik plan bajarilganligi haqida raport berdilar. — Gazetadan

[Dilbar:] Peshqadam ishchi kuniga plandagi 480 ta oʻrniga 650 tacha roʻmolning chetini tikadi. — Gazetadan

3. esk. Biror ishni amalga oshirish tartibi.

Sayohat plani.

Solih laboratoriyaga kirib, oʻz joyiga oʻtirdi-da, qilinishi kerak boʻlgan tajribalar planini tuza boshladi. — O. Moʻminov, Xiyobondagi uch uchrashuv

Qani, ayt-chi, biror maqsading, planing bormi oʻzi oʻylab yurgan? — T. Ashurov, Oq ot

4. esk. Biror narsani bayon etishdagi muayyan tartib, izchillik.

Dissertatsiya plani. Leksiya plani. Hikoya plani. Dars plani.

Oʻrtoq Obidov bu konspekt emas, plan [dedi Nishonov]. — S. Zunnunova, Yangi direktor

5. kino Obyektning, masalan, kinokadrda suratga olingan maydonning tasvirdagi oʻrni va uning katta-kichikligi.

Oldingi plan. Yirik plan. Tasvirlarni oʻrtacha planda bermoq. Yuzni yirik planda suratga olmoq.

ot Yer haydash uchun moʻljallangan maxsus tishli yoki diskli qishloq xoʻjalik quroli.

Paxta maydonlari oʻgʻitlanib, ikki yarusli pluglarda chuqur shudgorlab qoʻyildi. — Gazetadan

Traktorchiga shogird tushgan kezlarida, plug ostida qolib, bir oyogʻidan ajraluvdi. — A. Koʻchimov, Halqa

ot 1. Qatlam, qavat;

tuproq (yer) qatlami;

koʻmir qatlami;

2. s.t. kit. Qatlam, toʻda, gruppa;

yangi oʻzlashtirma soʻzlar qatlami;

ot geogr. Dengiz sathidan ancha baland boʻlgan va atrof joylardan yirik nishabliklar bilan boʻlingan, keng pastak yassitogʻlik yoki baland tekislik.

Ustyurt platosi.

ot 1. Katta, yassi, tekis tosh, temir va shu kabilar boʻlagi, toshtaxta.

Marmar plita. Poʻlat plita. Temir-beton plitalar yotqizilgan koʻcha.

Ikki kunda sement ham topildi, buldozer ham, beton plitalar ham topildi. — S. Ahmad, Togʻ afsonasi

Marmar va chigʻanoqli plitalarimiz turdosh korxonalarda tayyorlanayotgan mahsulotlardan ajralib turibdi. — Gazetadan

2. Ovqat tayyorlanadigan uy pechkasining bir turi.

Plitada ovqat pishirmoq.

Lolaxon plita ustidagi choynakning suvini toʻlatib turib gapirdi. — S. Zunnunova, Yangi direktor

Elektr plitada choy qoʻyib, oʻtgan kuni olib kelgan qotgan nonni choyga boʻktirib yedi. — Mirmuhsin, Umid

ot Dengiz, daryo, koʻllarning yotiq, bir oz nishab qirgʻogʻida choʻmilish, quyosh vannasi qabul qilish uchun qulay boʻlgan, qum yoki mayda shagʻal bilan qoplangan uzunchoq yer maydoni (koʻpincha maxsus jihozlangan boʻladi).

Bir zumda dengiz sohili odamlarga toʻldi. Plyajlar gavjum. — J. Abdullaxonov, Oriyat