Толковый словарь узбекского языка
· ещё в 4 словарях
ot Uyqu elitgan holat; mudroq; oʻy-xayol.
- Pinak surmoq Kamoliddin maxdum, pinak surayotganda sharpadan choʻchigan bangiday, ulamo sharpasini eshitib, birdan seskanib tushdi. — M. Ismoiliy, Fargʻona tong otguncha
- Pinagini buzmay Parvo qilmay, ahamiyat, eʼtibor bermay; beparvo, xotirjam. Hafiza oʻzini u yoq-bu yoqqa solib, pinagini buzmay tura berdi. U hatto bu achchiq taʼnalarni eshitmaganday, eshitsa ham, bir paqirga olmay, sur boʻlib turardi. — Mirmuhsin, Umid— Ammo menga joy boʻlishi kerak, — dedi mehmon pinagini buzmay. — X. Sultonov, Onamning yurti
- Pinakka ketmoq 1. Uyquga ketmoq, mudramoq. [Sobir] Pinakka ketib qolgan Gʻulom akani uygʻotdi. — X. Toʻxtaboyev, Felyetondan soʻng;Qariya pinakka ketdi: oq sochli boshini qoʻllari bilan siqib, koʻzlarini yumib, uzoq oʻyga toldi. — Oybek, Nur qidirib