Айлананинг унинг диаметрига нисбати сифатида аниқланадиган математик константа. π = 3.14159265359
Қидирув
«пилинг» бўйича 212 та натижа: Изоҳли
Филтр
Луғат тури
Луғат мақолалари
212 таот 1. Узоқ умр кўрган киши; кекса (қари 2).
2. Диний мазҳаб бошлиғи, диний раҳбар.
Худо хоҳлаб, пирлар мададкор-у азиз авлиёлар қўллаб юборса, ҳаммасини даф қиламиз. — Х. Тўхтабоев, Ширин қовунлар мамлакати
Қоч, ёʻлни бўшат, пирим келяптилар! деб кимгадир ўшқирган — К. Яшин, Ҳамза
Арвоҳлар ёр, пирлар мададкор бўлиб, овимиз бароридан келсин. — Ҳамза, Танланган асарлар
3. Бирор касбнинг асосчиси, ҳомийси деб тушуниладиган, кўпинча, афсонавий ва афсоналаштирилган шахс.
Мискарлар, чегачилар, тунукасозлар кўп антиқа гапларни, ҳар қайсилари ўзларининг пирларини, рисолаларини яхши биладилар. — Ойбек, Болалик.
4. кўчма Бирор иш, касб ёки соҳани жуда яхши эгаллаган, шу соҳада ўта моҳир уста киши, устоз.
Бундай раҳбарлар, гўё ҳамма соҳанинг пири ҳисобланадилар. — Н. Аминов, Ёлғончи фаришталар
— Боланг бой бўлгур Шоди ошпаз бу касбнинг зап пири-да! — чолнинг тарифини келтиришади чинорликлар — Ёшлик
Улар ўрни келса, отаси экан-у, ҳатто пирининг ҳам бетига қоракуя чаплаб, мақсад сари талпинади. — С. Сиёев, Ёруғлик
- Пири бадавлат Узоқ умр кўриб, болаларини уйлаб-жойлаб, роҳатда-фароғатда яшаётган киши. — Қўчқордек ўғилларнинг соясида пири бадавлат бўлиб яшанг, — деди Эргаш Қоратойга. — Б. Раҳмонов, Юрак сирлариИлоҳим, пири бадавлат бўлгин, мени иззат қилсанг, сани худо иззат қилсин, — деб дуо қилди Бўрихўжа — Валижонни. Мирмуҳсин, ЧиниқишПири бадавлат отахон-у онахонларимиз жуда кўп. — Газетадан
- Ё пирим Ё пирим! Шарманда қилма! (Битта-битта кетадилар). — Ҳамза, Танланган асарлар
- Пир урган Энг ёмон, арвоҳ урган, ярамас. Зиқнанинг пир ургани эди. Хасислигини, исқиртлигини ҳамма билди. Кимсан — терифуруш фалончи бой! — Ойбек, Танланган асарлар
от Айрим эркак паррандаларнинг оёғида бўладиган мугузсимон учли ўсимта.
Хўрознинг пихи.
- Пихи қайрилган ёки пих(ини) ёрган Кўп иш кўрган, кўп ишларни бошдан кечириб, айёр, қув бўлиб кетган. Аммо Ҳожимурод ҳам кўпни кўрган, пихи қайрилганлардан эди. — С. Аҳмад, ЖимжитликМаккор, пихини ёрган айёр қанча ниқобланмасин кўп жиноятчиларни чаққонлик билан қўлга туширган изқуварларимизнинг темир чангалидан қочиб қутула олмади. — С. Аҳмад, Юлдуз
от 1. Кимса ёки нарсага энг яқин бўлган жой, кимса ёки нарсанинг ёни, биқини; бағри.
Қор босган дарахтлар худди бир-бирларининг пинжига суқилиб олгандай эди. — Ў. Усмонов, Сирли соҳил
Аввалига Мулла Тошпўлат узоқдан, бозорда дарвоза пинжида ёймачилар қаторида пўстак устида ўтирган кимсага кўзи тушди. — О. Мухтор, Аёллар мамлакати ва салтанати.
2. кўчма Паноҳ, ҳимоя.
- Пинжига кирмоқ (ёки суқилмоқ, тиқилмоқ) 1. Ёнидан жой олмоқ, бағрига кирмоқ. Бой қўрбошининг пинжига кириб, уни туртар эди. — А. Қаҳҳор, Кўр кўзнинг очилишиПўстин устида ёнма-ён ўтирган Ойсулув Сувонжоннинг пинжига суқилди. — С. Анорбоев, ОқсойНегадир қизча, ҳадиксираган янглиғ, секин аёлнинг пинжига тиқилди. — Н. Қиличев, ЧиғириқҲамдам катталар ва ўқитувчиларнинг пинжига кириб оладиган бўлиб қолди. — Ҳ. Аҳмар, Ким ҳақ?
- Пинжига олмоқ 1. Ёнига, бағрига олмоқ. Палтосини елкасига солди-да, қизни ҳам пинжига олди. — А. Мухтор, ТуғилишАкам бизни пинжига олиб ардоқлади.
- Пинжидан чиқмоқ Бағридан чиқмоқ. Ипларнинг бетоқат вовуллашидан ўзимизга келдик. Пинжимдан чиқди-да, у битта-битта қадам ташлаб, нари кетди. — Ёшлик
тақл. с. Бурун тортганда ёки йиғлаганда димоғдан чиқадиган узуқ-узуқ овоз.
Пирқ этиб йиғлаб юборди.
Портда қирғоққа қурилган, кемалар икки томондан келиб тўхтаб турадиган гидротехник иншоот.