Қидирув

от Бировнинг шахсига тегиш, ғашини келтириш, масхаралаш учун айтилган илмоқли гап; қочирим, қочириқ.

Бу пичинг Назирийнинг жон-жонидан ўтиб кетди. Лекин бу ерга у Ҳамза билан жиртак отишга келмаган эди. — К. Яшин, Ҳамза

Мансур Талъатнинг пичингини тушунмай, кескин қадашар билан уларга эргашди. — Ў. Ҳошимов, Қалбингга қулоқ сол

Уста юрагидаги гапларни кўпчилик ўртасида бирма-бир айтиб ташламоқчи эди, аммо раиснинг пичинги шаштини қайтарди. — С. Маҳкамов, Дала тонги

фл. шв. Бичмоқ.

[Алиохун:] Сизни эгам сўзга пичиб қўйган экан-да. — Ойбек, Танланган асарлар

Авзойимизни кўрган киши, индамасдан ҳаммангнинг ишингга нарх пичиб қўяқолади. — И. Раҳим, Ихлос

от Пичинг қилишни яхши кўрадиган, пичингга одатланган киши.

Ойхон эса кутади, аяси — ёнида, интизорликда бўйи чўзилиб, эси кириб, Саттор акасининг қадрига етадиган бўлиб қолади бу пичингчи — А. Мухтор, Кумуш тола

рвш. 1. Оз миқдорда, озгина.

Икки оқ пиёзни майда тўғради, унга пича мурч сепди, пиёзни гуручнинг бир чеккасига кўмиб, ош дамгирни ёпди. — Ойдин, Йигит

Маҳаллий аҳолидан алланарсаларни бир неча тухум ва пича ёққа алмаштириб олади. — К. Маҳмудов, Қизиқарли пазандалик

2. Оз вақт, бир оз, андаккина, андак.

Мингбоши пича кутди, Матқовул гапиравермаганидан кейин, яна бақирди. — М. Исмоилий, Фарғона тонг отгунча

Жуда чарчадинг, пича ухлаб, дам олсанг бўларди. — Ш. Рашидов, Бўрондан кучли

Яна пича вақт кутишди — жимжитлик. — Ёшлик

3. Оз даражада, сал(гина).

Кўнглим пича тинчиди.

Кундузги ишлари, ниҳоят, ресторандаги суҳбат унинг [маёрнинг] кўнглига равшанлик олиб кирди. Иш пича силжиган эди. — Ёшлик

Ўзим айтувдим кеча! Қўзибой пича ўзини босиб олди. — Ҳ. Назир, Ёнар дарё

от Ҳайвонларга озуқа бўладиган ўт; ўриб қуритилган ўт; хашак.

Бир боғ пичан. Пичан ўриш машинаси.

Ўртадаги уюлган пичан ғарами олдидан ўтиб, қоронғи уйга кирди. — С. Зуннунова, Олов

Томга кўпроқ пичан босди. — Э. Самандар, Дарёсини ёʻқотган қирғоқ

У бостирма деворига беҳол суяниб қолди. Ичкари қуруқ, пичан иси, ивиган оҳак ҳиди келарди. — Ў. Ҳошимов, Қалбингга қулоқ сол

1. Сўзловчи билан тингловчидан бошқа одам эшитмайдиган қилиб, паст овоз билан айтилган гап, пичир-пичир, шивир-шивир.

Гапнинг ёмони пичир, этнинг ёмони қичир. — Мақол

Ёнимда ўтирган икки қизнинг пичири қулоғимга чалинди. — М. Жалолиддинова, Журъат

2. Бошқалар эшитмайдиган даражада паст овоз.

— Касали нима экан, озиб кетибди келинчак онамиз? — пичир билан сўради Салимбойвачча. — Ойбек, Танланган асарлар