ot 1. anat. Yuzning qoshdan sochgacha boʻlgan qismi, manglay.
Keng peshona. Peshona suyagi.
Bu gaplardan hasharchilar qotib-qotib kulishardi. Razzoq buqachi peshonasini uqalab, terga pishib, indamay oʻtirardi. — S. Ahmad, Jimjitlik
Ikromjon ter bosgan peshonalarini, boʻyinlarini qiyigʻi bilan artarkan, Azizxon tarafga bir qarab qoʻydi. — S. Ahmad, Ufq
2. koʻchma Diniy tasavvurlarga koʻra: qismat, taqdir.
Nahot peshonamga toabad tobelik, qullik maqomi bitilgan boʻlsa. — S. Siyoyev, Yorugʻlik
3. s. t. Bisot, budu shud, bor-yoʻgʻi.
Peshonaginamizda bittagina-da, oʻrgilay, bittagina. — S. Ahmad, Ufq
Peshonamda bitta oʻgʻil, yonimda yursin, deb turib oldi. — S. Siyoyev, Yorugʻlik
- Peshonani bogʻlab, ishga kirishmoq Astoydil ishga kirishmoq.
- Peshonasini silamoq [Boy:] Barakalla oʻgʻlim! Halol mehnat qilsang, hamisha baxting olchi-da! Hamisha peshonangni silayman! Hamza, — Boy ila xizmatchi
- Peshonaga yozilgani Taqsirda belgilangan narsa; taqdir, qismat. Peshonamga yozgani sen ekansan, menda nima chora! — Hamza, Tanlangan asarlarBilmadim, taqdir uning va mening peshonamga nimalar yozgandir. — F. Gʻulom, Yodgor
- Peshonada bitganini (yoki yozilganini) koʻrmoq Taqdirda belgilangan narsadan, qismatdan qochib qutula olmaslik. Oʻynashmagin arbob bilan, arbob urar har bob bilan. Peshonada bitganini koʻrasan. — Hamza, Boy ila xizmatchiZeroki, risolalarimiz mavjud, har kim oʻz toleidan, peshonasiga yozilganini koʻradir. — U. Ismoilov, Saylanma
- Peshonamdan koʻrdim 1. Tavakkal, nima boʻlsa boʻlar. Baxting boʻlsa, tuzalib ketasan, deyishyapti. U yogʻini peshonamdan koʻrdim. — SaodatXola, kun ezmalanmay, chiqib aytavering-da. Boʻladigan boʻlsa, mendan soʻrab nima qilasiz? Nima boʻlsa, peshonamdan koʻraman. — Hamza, Tanlangan asarlar
- Peshonasi yorugʻ Omadi kelgan, baxtli. Peshonamiz yorugʻ ekan, oʻgʻlim. — P. Tursun, Oʻqituvchi
- Peshonasiga sigʻmadi Ayrildi, judo boʻldi.
- Peshona teri Mehnat va uning mahsuli. — Agar oʻzining peshona teri bilan boylik orttirgan shayx topilsa, — dedi istehzo bilan, — mayli, maqbarani oʻsha boshqara qolsin, men roziman! Shu bilan gapim tamom. — K. Yashin, HamzaOʻgʻirlik qilib topgan boʻlsam aytinglar. Ular peshona teri bilan topilgan. Halollik bilan orttirganman ularni men — K. Yashin, Hamza
- Peshona teri toʻkmoq Tirishib, astoydil mehnat qilmoq. Musobaqadoshingiz qoʻygan shartlarni bajarish uchun halol mehnat qiling, baravar peshona teri toʻking! — U. Ismoilov, Saylanma
- Peshonasi devorga tegmoq Tavbasiga tayanmoq, qilmishiga pushaymon boʻlmoq, tushunmoq.
- Peshonasi koʻhlik Ollo taolo birovning peshonasini koʻhlik, birovnikini qup-quruq qilib yaratadi. U bandalariga rizq-roʻzni har kimning oʻziga yarasha oʻlchab sochadi. — K. Yashin, Hamza
- Peshonasi ochilmoq Ishi yurishmoq, omadi kelmoq, baxti ochilmoq. Boy ham shu mulkning badaliga, peshonam ochilib, biror ish-pishga tushib ketgunimcha, biror yil chamasi boqmoqchi boʻlibdi. — Gʻ. Gʻulom, Shum bola
- Peshonasi shoʻr yoki shoʻr peshona Baxtsiz, bebaxt. — Eh, peshonam shoʻr ekan, oshna! Bir tashvishdan qutulmasimdan ikkinchisi tappa bosadi, — dedi Azijon Omontoyga, biron najot top, deganday moʻltirab. — K. Yashin, Hamza[Jamila:] Yoki Gʻofirdek baxtsiz, onangday peshonasi shoʻr boʻlib tugʻilarmiding? — Hamza, Boy ila xizmatchi
- Peshonasi qora Yoʻl uzunmi, dard uzun? Darvish ashulasi uzun. Tun qorami, dard qora? Darvish peshonasi qora. — X. Davron, Qaqnus
- Peshonasini tirishtirmoq Ensasi qotmoq yoki jahli chiqmoq. Olchinbek dabdurustdan kirib kelib, tilyogʻlamachilik bilan boshlagan gapi Hamzaning ensasini qotirdi.Peshonasi tirishib, qattiq gapirgisi keldi-yu, lekin oʻzini bosdi. — K. Yashin, HamzaMansur bir nafas peshonasini tirishtirib, oʻylanib turdi-da, eshik tutqichiga qoʻl choʻzdi. — Oʻ. Hoshimov, Qalbingga quloq sol