ot 1. Kunning yarmi oʻtgan payt.
Jahongir yashagan qishloqqa ertasi kun peshinga yetib borishdi. — Sharq yulduzi
Yaxshiboyev ikkimiz yolgʻiz qoldik. Vaqt peshinga ogʻib borardi. Uzoqda togʻlar qorayib koʻrinadi. — M. M. Doʻst, Lolazor.
2. din. Kun yarmida oʻqiladigan namoz.
Peshinni oʻqimoq.
— Oʻzimiz ham tamaddi qilib olaylik, — dedi Maxsum peshin namoziga hozirlik koʻrayotib. — S. Anorboyev, Oqsoy
Uch doʻst, peshin qazosi oʻtguncha, Inoqiy madrasasining bir kunjagida bekinib oʻtirdilar. — S. Siyoyev, Yorugʻlik
Xoʻja Xizr har kuni peshin namozini Buxorodagi Magʻoki Attori masjidida oʻqir ekan. — Gazetadan
- Oxir (yoki kech) peshin Kunning yarmidan koʻpi oʻtgan, kechki payt. — Vaqt oxir peshin boʻlib qolgan edi. Qornim ochgan — dedi Shum bola. — Gʻ. Gʻulom, Shum bola