«пайс~» бўйича 7 та натижа: Изоҳли
от 1. эск. Тахминан 50 граммга тенг оғирлик ўлчов бирлиги.
[Югурдак:] Мана, тақсир, олиб келдим, текшириб кўринг! Икки пайса етмас экан беҳиштга. — А. Орипов, Йиллар армони
Беш пайса ем аяган кезларингда қор кураб, илдиз топиб бердим уларга. — И. Раҳим, Зангори кема капитани
Етмиш икки ҳунаринг бор, лекин хумчангда беш пайса жиринг ёʻқ! — А. Қодирий, Обид кетмон
2. тар. Бухоро хонлигида беш тийинлик чақа.
Етмишинчи йилларда ҳукмдорнинг мис пайсага зарб этилган муҳрини топдилар. — Газетадан
от Пайсал топмоқ Тинчимоқ, ором топмоқ.
Чиндан ҳам оғриқ тўхтагандек эди. Пича пайсал топди. — Н. Қиличев, Қуюн
от кам қўлл. Ишни орқага судровчи, кечиктирувчи шахс.
Йиғилишда оғизга сиққунча ваъда берган жамоа хўжалиги раҳбарлари қурилиш ташкилотига пайчи бўлиб кириб, пайсалчига айландилар. — Газетадан
от Ҳафтанинг чоршанбадан кейинги, тўртинчи куни.
Пайшанбанинг келиши чоршанбадан белгили. — Мақол
Пайшанба куни эрта билан ишлаётган одамлардан сал четроқда Меъмор келиб қолди. — Мирмуҳсин, Меъмор
фл. 1. Бирор ишни судрамоқ, кечиктирмоқ, пайсалга, галга солмоқ, орқага сурмоқ.
Улар қандай фармон беришмасин, бош тортмасдан бажарган одам уларнинг жон-дили! Озгина пайсалласа борми? — Н. Сафаров, Узоқни кўзлаган қиз
2. Секин, ивирсиб, имиллаб ҳаракат қилмоқ.
Тез бўл, пайсаллама, манзилимиз жуда олис. — Ёшлик
