«пастқамлик» бўйича 4 та натижа: Изоҳли
от 1. айн. Пастқам 2, 3.
Пастқамликдаги уйлар.
2. Кишиларнинг назаридан узоқ, пастқам жой.
Сидиқжон Баҳрободга кечки пайт, пастқамликдан, қалин дарахтзор ва адир оралиқларидан бошланган шом қоронғуси борлиққа тарқала бошлаганда кириб келди. — А. Қаҳҳор, Қўшчинор чироқлари
сфт. 1. Киши назари тушмайдиган; одамлар кам бўладиган; хилват, одамдан холи жой, овлоқ.
Ҳар замон-ҳар замонда обкашли кишиларнинг пастқам кўчаларда ғизиллаб кетаётганини учратиш мумкин эди. — Мирмуҳсин, Тунги чақмоқлар
Ҳозир дод соламан, бошимга одам йиғиб, мелиса мени пастқамга опкелиб, пора сўраяпти, дейман. — С. Аҳмад, Уфқ
Ғозга қараб кампир ўғли жўнади. Пастқамдан паналаб кетиб боради. — Алпомиш
2. шв. Унча баланд бўлмаган, пастак, паст ва кўримсиз (уй ёки бино ҳақида).
Ўтган [ўттизинчи] йиллардаги уйлар пастқам, диққинафас гувала уй, сомон томлар эди. — Н. Сафаров, Оловли излар
Ўз шеърининг пастқам уйларда жаранглаганидан Аваз бениҳоя хурсанд, бу нарса унга яна илҳом бағишлар эди. — Ж. Шарипов, Хоразм
3. Теварак-атрофга нисбатан паст, чуқур.
Пастқам жар лабида шумтол-у анор Ҳамда бир итбурун ўсарди қатор. — Я, Қурбон
овлоқ Ов қилинадиган қуш ва ҳайвонлар сероб жой. Тирикчилигини шикордан топадиган ҳар бир овчи шикор учун овлоққа ёлғиз бир ўқ билан чиқсин. Фан ва турмуш Марк
ҳавза геогр. Дарё ёки кўлга қуйиладиган, уни ташкил этадиган ирмоқлар мажмуи ҳамда шу дарё ёки кўл атрофидаги мазкур ирмоқлардан сув оладиган ҳудуд (территория).
