«пастлик» бўйича 46 та натижа: Изоҳли
от 1. айн. Пасткашлик.
— Бу одамгарчиликдан, виждондан эмас, бу пастлик, — деди Элмурод. — П. Турсун, Ўқитувчи
2. Паст ер, ўра, чуқурлик.
Канизак пастликка тушиб кетганида, орқасига бир қайрилиб қаради. — А. Қаҳҳор, Қўшчинор чироқлари
Улар сув ёқалаб бориб, пастликка тушдилар. Шуҳрат, — Шинелли йиллар
Ёʻлчи отни елдириб, тепаликда кетаркан, орқада қолган пастликдаги боққа беихтиёр қаради. — Ойбек, Танланган асарлар
сфт. 1. Юқори томон ўлчами, қадди, бўйи унча баланд бўлмаган, баландлиги, бўйи нисбатан қисқа; пакана, пастак.
Паст девор. Паст бўйли дарахт. Бўйи паст одам.
Боғнинг атрофи эски, паст, лекин ямалиб, ясалиб бутунланган деворлар билан ўралган. — Ойбек, Танланган асарлар
Шу заҳоти ҳовлида паст бўйли йигит пайдо бўлди. — Шарқ юлдузи
2. Унча чуқур бўлмаган, саёз.
Паст дарё.
3. Миқдори, даражаси, нархи унча катта, баланд бўлмаган, нисбатан кам, оз, қуйи.
4. Шиддати, кучи, даражаси унча катта бўлмаган, нисбатан кучсиз, заиф (иссиқлик, босим кабилар ҳақида).
Паст температура.
Стрелка сал кўтарилди-ю, яна ҳоли келмай, пастга тушди. Ортиқ, бензин қанча қолганини кўриб, ўзининг ҳам капалаги учиб кетди. — М. Мансуров, Ёмби
5. Унча баланд бўлмаган, бўш (овоз, нота кабилар ҳақида).
Кейин бегуноҳ кўзларини Алимардондан узмай, яна ўша паст, ўйчан оҳангда гапирди. — Ў. Ҳошимов, Қалбингга қулоқ сол
У ўзини бир оз тутиб олди-да, паст овозда давом этди: — Қўрқманг, институтдан ҳайдамаймиз. Лекин одам деган бунақа маҳмадона бўлмайди. — Ў. Ҳошимов, Қалбингга қулоқ сол
6. Сифати унча яхши бўлмаган; оддий, жўн.
— Кўп хонали уйлар қуриш масаласига келсак, аввало, бизда сифат паст, — деди Ёдгор ўйланиб. — Қўлингизни чўзсангиз, шифтга тегади. — Ў. Ҳошимов, Қалбингга қулоқ сол
Лекин агар бирон ёш ёзувчи ўз имконияти даражасидан пастроқ асар ёзса, уни дарров огоҳлантириб қўяр эдилар. — К. Қаҳҳорова, Чорак аср ҳамнафас
7. Унчалик яхши эмас, юришмаган (“бахт”, омад, толе каби сўзлар билан).
Ҳа, ўша толеи паст Жамила. — Ҳамза, Бой ила хизматчи
8. Серёғин, ёмон, совуқ;
Бу йил ҳаво паст келди.
Барг етилмаяпти, баҳор паст келди. — А. Мухтор, Кумуш тола
9. Келиб чиқиши, насл-насаби юқори табақаларга хос бўлмаган, асилзода эмас.
[Қизнинг] Юзида оз-моз чиройи бўлгани билан, ўзи таги паст. Сизнинг остонангизга сира арзимайди. — Ҳамза, Танланган асарлар
[Имом:] Отасини кўндирамиз, унинг таги паст, жазоси пул-да. — Ж. Шарипов, Хоразм
10. айн. Пасткаш.
Ҳаммага ҳам қилиғингиз шуми ёки мени шундай паст хотин деб ўйладингизми? Ойдин, — Икки кўзи шунда
Паст кишида одамият нима қилсин. — А. Қодирий, Меҳробдан чаён
Денгиз тубида дур, устида чўп-хас, Ўзгани паст билур кимки ўзи паст. — Ш. Шомуҳамедов, Одам борки
11. Нисбатан қуйи ўрнашган жой; пастлик, чуқурлик.
Пастга тушмоқ.
Алимардон сирғаниб, соҳилдан авайлаб юриб, пастга тушди. — Ў. Ҳошимов, Қалбингга қулоқ сол
Олмани тутиб, орқасига қайца, тут шохидан шошиб, пастга ёшгина бир қиз тушиб келяпти. — С. Зуннунова, Олов
12. с. т. Ер, пол.
Челакни пастга қўй.
13. Уйнинг кираверишидаги эшикка яқин жой; пойгак.
Ибодулла ҳам акасидан бир қадам пастга тиз чўка қолди. — Ҳ. Ғулом, Машъал
Этиги лой бўлганидан, Ёʻлчи танчага ўтирмай, наматнинг учини қайириб, пастроққа чўккалади. — Ойбек, Танланган асарлар
от Ер сатҳининг нотекис ерлари, жойлари.
Бешинчи кун деганда ариқча баланд-пастликлардан ўтиб, эски изга тушди. — И. Раҳим, Чин муҳаббат
от Тиббиёт, косметика, пазандалик, рассомлик соҳаларида қўлланадиган турли хил хамирсимон моддаларнинг умумий номи.
Тиш пастаси. Совун пастаси. Антисептик паста. Бўёқ пастаси.
Биринчи қилган ишим — юзимни икки-уч қайта совунлаб ювиб, оғзимни чайиб ташладим. Уйга бориб, тиш пастаси билан ҳам ювдим. — Ёшлик
сфт. с. т. Бўйи унчалик баланд бўлмаган, паст, пакана.
Пастак девор. Пастак уй.
Умид хаёллар оғушида маст эди. У жимжит хонада деразадан пастак томларга, этда-бетда қўққайиб турган мўриларга тикилганича, хаёл наҳрида сузарди. — Мирмуҳсин, Умид
Пастак уйларнинг лойсувоқ томлари яхшилаб куралган, икки томондан тушган қор тор кўчани тўлдириб юборган, чеккада ингичка сўқмоқ ёʻл қолган эди. — Ў. Ҳошимов, Қалбингга қулоқ сол
рвш. 1. Пастда ўрнашган, жойлашган, нисбатан қуйидаги, пастдаги.
Бинонинг пастки қавати. Дарахтнинг пастки шохлари. Пастки жағ. Пастки лаб.
Сихларда кабоб келгач, Бозоров жавоннинг пастки тортмасини очиб, бир шиша беш юлдузли коняк олди. — И. Раҳим, Чин муҳаббат
Тоҳир пастки қаватдаги очиқ эшикларга бош тиқиб қаради. — П. Қодиров, Юлдузли тунлар
2. Қуйи, бошланғич, биринчи босқичдаги.
Пастки курс,
Қори пастки синфларни ўқитар ва ҳар ёз ўқитувчилар қайта тайёрлов курсида ўқиб, билимини ошириб турарди. — П. Турсун, Ўқитувчи
бўғиқлик Хирилдоқлик, хиралик, пастлик (овоз ҳақида). Қисилганлик, димлик (ҳаво ҳақида).
онгсизлик Онги ёʻқлик ёки пастлик; ақлсизлик. псхл. Онг иштирокисиз бўладиган руҳий жараён ва ҳолатлар.
чаласаводлик Саводи тўлиқ бўлмаслик, саводи пастлик. [Саид:] Дадамнинг бундай пастлаб кетишларига чаласаводликлари ҳам сабабчи. Э. Раимов, Ажаб қишлоқ
кретинизм Кретинизм (қалқонсимон безлар функсияси заифлашиб, жисмоний ва руҳий жиҳатдан ўсмай қолишдан иборат касаллик); Эси пастлик, тентаклик, аҳмоқлик.
сойлик Ер юзасининг ботиқ жойи, пастлик, водий, сой. Сойликлардан чўққига қадар Сўқмоқ ёʻллар узоқ чўзилмиш. Х. Салоҳ Козим сойликка тушиб, яна юқорига ўрмал
пасткашлик Разиллик, ярамаслик, назари пастлик. Бир умр эсимдан чиқаролмасам ҳам, бир умр ўтда қовурилсам ҳам, бундай пасткашлик қилмайман. С. Зуннунова, Олов Ҳафиза
Ушбу эртакда уч ҳайвоннинг хўжайинларидан қочиб, тоғда янги ҳаёт бошлаши тасвирланади. Улар ўз топқирликлари ва бирлашган кучлари билан ёввойи ҳайв
Ушбу эртакда хўжайинларининг жабр-зулмидан қочган эчки, совлиқ ва ҳўкизнинг саргузаштлари ҳикоя қилинади. Улар ўзларига янги макон топиб, ёввойи ҳайво
Шаҳзода Шавкат сирли кийикни қувиб, ўзга оламга тушиб қолади ва у ерда паризод Моҳистарага ошиқ бўлади. Бу саргузашт унинг ҳаётини бутунлай ўзгартириб
Бу эртакда Қўлдош исмли подачининг бошидан кечирган саргузаштлари ҳикоя қилинади. У дўсти Ёʻлдош билан тушини сотиб олгач, номаълум сафарга отланади
Шаҳзода Асад амакисининг ҳийласи туфайли тахтдан маҳрум бўлиб, сургун қилинади. У саргузаштлар давомида маликани қутқариб, ўзининг мардлиги ва адолатпарварл
пастлик, чуқурлик жой
чуқурлик, пастлик
чуқурлик, пастлик
1. туман, пастлик; 2. кўп (саноқ)
Пичоқ гулвантини чо'пса билан эговлаб, юзидаги баланд-пастликларини текислаш иши
