Қидирув

от 1. Асраш, ўстириш, вояга етказиш учун қилинадиган ҳаракат.

Ғўза парвариши. Дарахтдан мева оламан десанг, ниҳолни парвариш қил. — Мақол

Сифатли парвариш — ерга оройиш. — Қанотли сўзлар

2. Тарбиялаш, вояга етказиш, боқиш каби мақсадда қилинадиган ҳаракат; қаров, боқув, тарбия.

Чақалоқ эса она ҳидига, унинг парваришига, кўкрак сутига муҳтож эди. — Газетадан

Кампирнинг гаплари менга кулгили туюлса ҳам, ҳурмат юзасидан ҳамда болага яхши парвариш қилиш зарурлиги важидан бир нима демасдан, унга тасалло берар эдим. — Ғ. Ғулом, Ёдгор

сфт. Парвариши ёʻқ, қаровсиз.

Парваришсиз дарахт. Ипак қурти бир кун ҳам парваришсиз қолмасин.

Франсузлар дунёда хунук аёллар ёʻқ, фақат ўзига оро бермаган, парваришсиз аёлларгина бор, деб ҳисоблашади. — Саодат

фл. Парвариш қилмоқ, қарамоқ; боқмоқ, тарбиялаб ўстирмоқ, ундирмоқ, вояга етказмоқ, оёққа қўймоқ.

Боғни парваришламоқ. Беморни парваришламоқ.

Бу камбағал бобо мардикор ишлаб, болаларини ўқитиб, парваришлаб юрар экан. — М. Маҳмудов, Булбулигўё

Ўз уйидай бўлиб қолган бу хонадондан оёғи узилмаётган Мели, Энани худди энди атак-чечак қила бошлаган гўдакдай парваришларди. — Ёшлик

фл. Парваришламоқ феълининг мажҳул нисбати.