Qidiruv

sft. 1. Har tomonga sochilgan, toʻzgʻigan, tartibsiz.

Kumushning koʻzi yumuq, sochlari yuzi ustida parishon holatda edi. — A. Qodiriy, Oʻtgan kunlar

Yonimda Raʼno yotibdi. Sochlari parishon yoyilgan, gʻira-shira tong nurida oppoq yuzi yanayam tiniqroq koʻrinadi. — Oʻ. Hoshimov, Ikki eshik orasi

2. koʻchma Bir yerga toʻplanmagan, boʻlingan, sochilgan, tarqoq (fikr-xayol, diqqat-eʼtibor haqida).

Vali aka oʻgʻlining gʻoʻzalar ichida parishon turganligini koʻrib, uni yoniga chaqirdi. — M. Ismoiliy, Fargʻona tong otguncha

Ha, Shavkatbek, Eynshteynga oʻxshab parishonroq koʻrinasiz. — S. Siyoyev, Yorugʻlik

sft. Nima qilishni bilmay, oʻylanib turish holati.

Xalq tarqab ketmagan, koʻplar chinor ostida parishonhol edi. — Sh. Xolmirzayev, Qil koʻprik

ot Fikri-xayoli bir joyda boʻlmaslik, bir yerga toʻplanmaslik, xayoli boʻlinganlik, tarqoqlik.

Tolibjon endi ancha oʻziga kelgan, parishonligi ham tarqagan edi. U Mirvalining bolalik yillarini endi aniq koʻz oldiga keltira boshladi. — S. Ahmad, Jimjitlik

sft. Xayoli tarqoq, fikri, diqqat-eʼtibori boʻlingan.

Sal oʻtmay xotin kirdi, haqiqatan ham uning koʻzi qizarib, parishonxotir holda edi. — Shuhrat, Shinelli yillar

Basharti, bu hol surunkasiga davom etadigan boʻlsa, oʻquvchi qoʻrs va parishonxotir boʻlib qolishi ehtimol. — Fan va turmush

sft. ayn. Parishon xayol

Nozim xayolparishon oʻrnidan turdi, elan-qaran daftar-kitobini yigʻishtirib, sekin eshik tomon yurdi. — N. Qilichev, Chigʻiriq

ot Xayoli tarqoqlik, ortiqcha oʻylashlik.

Vazira dugonalarining hazillariga xayolparishonlik bilan jilmayib qoʻyardi. — S. Zunnunova, Goʻdak hidi