Қидирув

от 1. миф. Шарқ халқлари фолклорларида кенг тарқалган, жуда гўзал қиз қиёфасидаги, нурдан яратилган, кишиларни инс-жинслардан сақлайдиган афсонавий образ; гўзаллик рамзи.

Қари билганини пари билмас. — Мақол

Букри домла Майнани жинми, парими деб ўйлади, шекилли, турган жойидан силжимай, аллақандай дуони пичирлади. — Ш. Тошматов, Эрк қуши

2. кўчма Жуда гўзал, хушрўй аёл, нозанин. —

Сизни шу парига уйлантириб қўяйми? — деди Тожибой ва оғзини очиб, носни тилининг тагига ташлади. — П. Турсун, Ўқитувчи

Анвар., ўйин-кулгини бир дақиқа қўйиб туролмаган парининг санъаткор шу вазиятига кулумсираган кўйи анча қараб турди. — А. Қодирий, Меҳробдан чаён

от 1. Парранда танасини қоплаб турадиган юмшоқ ва нафис пат.

Товуқнинг пари,

Яйраб ҳаволарда бир қуш учади Чарчаркан, симларни секин қучади, Юмшоқ парлар билан ёпиб юзини. — Ҳ. Олимжон

2. сфт. Ичида пари бўлган, пар солинган.

Пар ёстиқ. Пар тўшак.

Кенг тахта каравот. Устига чойшаб ёпилиб, катта пар ёстиқ қўйилган. Деразага оқ шоҳи парда тутилган. — С. Нуров, Нарвон

Чўтир хола уни гапга тутмай, пар ёстиқ билан янги атлас кўрпани тахмондан олиб, Умид устига ташлади. — Мирмуҳсин, Умид

3. кўчма айн. Паға 2.

Ёш бургут учмоқда кўкда шиддаткор, Кумуш булутларнинг тўзғитиб парин. — А. Орипов, Йиллар армони

Пар булутлар, марварид қорлар Юксак чўққи узра қўйган бош. — А. Орипов, Йиллар армони

от Тутам-тутам сочлардан шакли ва рангини киши сочига ўхшатиб, бирор матога ёпиштириб тайёрланган ясама соч.

Театр париклари. Парик киймоқ.

Анвар., парик кийиб, орқасига сумка осди-да, юринглар деди. — А. Мухтор, Туғилиш

от айн. Паричеҳра.

от Паричеҳра, париваш, гўзал, нозанин.

Бир-биримиз билсак ҳам зимдан, Келмагандик лекин рўбарў. Миннатдорман бугун ўзимдан Учратганчун сени, парирў. Б. Бойқобилов, Мени кутинг, юлдузлар.

Мубталоман парирўга, ул кўзлари оҳуга. — Я, Маматхонов

от этн. Пари, жин каби ғайритабиий кучлар ёрдамида беморларни касалликлардан халос қилувчи; дуохон, азайимхон, фолбин.

Ўғри қариса — сўфи, ғар қариса — парихон бўлади, деб бекорга айтилмаган-да. — Ғ. Ғулом, Шум бола