Қидирув

сфт. 1. мат. Бир текисликда ётган ва ҳар икки томонга давом эттирилганда ҳеч қачон ўзаро кесишмайдиган; мувозий, ёндош.

Параллел тўғри чизиқлар. Параллел текисликлар.

2. Бир томонга қараб ёʻналган ва бир-биридан деярли тенг узоқликда ёнма-ён жойлашган.

Параллел кўча. Параллел жўяклар.

3. кўчма Айни бир вақтда мавжуд бўлган ёки давом этадиган воқеа-ҳодиса (бир-бирига нисбатан).

Ўқиш йилининг ярмида А, Б бўлиб келган параллел синфлардан ўн олти киши териб олиниб, қолганлари бирлаштирилди. — П. Турсун, Ўқитувчи

Билимдонлик билан гапдонлик ҳар доим параллел юра олмайди. — Саодат

4. тлш. Бир хилдаги, турдаги.

Бунда синтактик параллел қаторлар тўртликда мунтазамлик ва бир бутунликни юзага келтирган. — ЎТА

от 1. мат. Тўғри чизиқларнинг текисликдаги ва текисликларнинг фазодаги ўзаро кесишмаслик хоссаси; параллеллик.

Текисликлар параллелизми. Чизиқлар параллелизми.

2. кўчма Айни бир ишнинг ўзаро келишмасдан бир вақтда бажарилиши, бир-бири билан тўлиқ мос келиши, бир-бирини такрорлаши.

Ишдаги параллелизм.

3. тлш. Ёнма-ён гаплар, синтагмаларнинг бир хил синтактик қурилишга эга бўлиши.

4. ад. Бадиий матннинг ўзаро боғлиқ қисмларидан нутқ унсурларининг ўхшаш ёки айнан бир хилда жойлашувини тақозо этувчи поетик нутқ усулларидан ва тасвир воситаларидан бири.

от мат. Қарама-қарши ёқлари ўзаро параллел ва тенг параллелограммлардан иборат олти ёқли геометрик жисм.

от мат. Қарама-қарши томонлари тенг ва параллел тўртбурчак.