Qidiruv

sft. 1. mat. Bir tekislikda yotgan va har ikki tomonga davom ettirilganda hech qachon oʻzaro kesishmaydigan; muvoziy, yondosh.

Parallel toʻgʻri chiziqlar. Parallel tekisliklar.

2. Bir tomonga qarab yoʻnalgan va bir-biridan deyarli teng uzoqlikda yonma-yon joylashgan.

Parallel koʻcha. Parallel joʻyaklar.

3. koʻchma Ayni bir vaqtda mavjud boʻlgan yoki davom etadigan voqea-hodisa (bir-biriga nisbatan).

Oʻqish yilining yarmida A, B boʻlib kelgan parallel sinflardan oʻn olti kishi terib olinib, qolganlari birlashtirildi. — P. Tursun, Oʻqituvchi

Bilimdonlik bilan gapdonlik har doim parallel yura olmaydi. — Saodat

4. tlsh. Bir xildagi, turdagi.

Bunda sintaktik parallel qatorlar toʻrtlikda muntazamlik va bir butunlikni yuzaga keltirgan. — OʻTA

ot 1. mat. Toʻgʻri chiziqlarning tekislikdagi va tekisliklarning fazodagi oʻzaro kesishmaslik xossasi; parallellik.

Tekisliklar parallelizmi. Chiziqlar parallelizmi.

2. koʻchma Ayni bir ishning oʻzaro kelishmasdan bir vaqtda bajarilishi, bir-biri bilan toʻliq mos kelishi, bir-birini takrorlashi.

Ishdagi parallelizm.

3. tlsh. Yonma-yon gaplar, sintagmalarning bir xil sintaktik qurilishga ega boʻlishi.

4. ad. Badiiy matnning oʻzaro bogʻliq qismlaridan nutq unsurlarining oʻxshash yoki aynan bir xilda joylashuvini taqozo etuvchi poetik nutq usullaridan va tasvir vositalaridan biri.

ot mat. Qarama-qarshi yoqlari oʻzaro parallel va teng parallelogrammlardan iborat olti yoqli geometrik jism.

ot mat. Qarama-qarshi tomonlari teng va parallel toʻrtburchak.