Қидирув

сфт. Овоз чиқарадиган, овози бор; товушли.

Овозли кино тизими ХХ асрнинг 20-йилларида юзага келди — Ўзме

от 1. Гапириш, қичқириш, куйлаш, сайраш пайтида ўпкадан чиқаётган ҳавонинг урилиши билан товуш пайчаларининг тебранишидан ҳосил бўладиган товуш; садо, сас.

Баланд овоз. Паст овоз. Майин овоз. Мусичаларнинг кукулашган овози эшитилар эди.

Анвар Муқаддамнинг овозини эшитиб, бурилиб қаради-ю, унинг ваҳимадан катта-катта очилиб турган кўзларини қоронғиликда аниқ кўрди. — Ў. Ҳошимов, Қалбингга қулоқ сол

Бу ерда минг турли қушлар минг турли овоз билан сайраб, анвойи гйлжшп очилиб, атрини сочиб ётган экан. — С. Зуннунова, Олов

2. Товушнинг куйлашдаги паст-баландлик, жарангдорлик даражаси.

Овози яхши ашулачи. Овози ўткир.

Шарофнинг қон босими кучайиб, юрак уриши авжига етган пайт директор ҳамдардона овозда деди: — Тушунаман, ҳаммамиз ҳам ёшликда ўт-олов бўлганмиз, кўзимизга фил ҳам чумолича кўринган. — Ёшлик

3. Вокал мусиқа асарида ҳар бир куйчи учун белгиланган партия.

Икки овоз учун ёзилган романс.

4. Нарсаларнинг урилиши ёки ҳаракатидан чиқадиган товуш.

Қарсак овози. Тўқмоқ овози. Шамол овози. Момақалдироқ овози. Соат овози. Дутор овози.

Йигирма ол-тинчи кўпи тонготарда гумбурлаб чалина-ётган карнай овозидан уйғониб кетдим. — Х. Тўхтабоев, Ширин қовунлар мамлакати

Узоқдан ҳар замон тўп овози эшитилар эди. — А. Қаҳҳор, Олтин юлдуз

5. кўчма Фикр, мулоҳаза.

Шарқ ёзувчиларининг овози.

— Сизга ўхшаш даллолларга ҳожат ёʻқ. Сиз халқ бўронини тўсмоқчимисиз? Овозини бўғмоқчимисиз? — Ойбек, Танланган асарлар

6. Ички ҳис-туйғулар нидоси, амри.

Ғуломжон юрагида портлаган ғазаб уввосига эмас, инсоф овозига қулоқ солди. — М. Исмоилий, Фарғона тонг отгунча

Лекин қамоқ ҳам шоирнинг иродасини буколмади, овозини сўндиролмади. — Саодат

7. Давлат ва жамоатчилик ташкилотларида сайлов ўтказиш ёки бирор масалани ҳал қилишда сайловчилар ёки мажлис иштирокчиларидан ҳар бирининг алоҳида фикри, ўз фикрини баён этиш ҳуқуқи ва усули.

Ҳал қилувчи овоз. Маслаҳат овози.

Раис ҳар иккала таклифни ўртага ташлаганда, Холматжон саккиз овоз ортиқ олди. — С. Аҳмад, Уфқ

русчазвуковые записиинглизчаsound recording

бу электрон таълим ресурсларининг бири. Китобдан расман фарқи: на кино, на анимация (мултфилм), на полиграфик нашрлардаги овоз мумкин эмас. Лекин таълим олувчига нисбатан ЭТР ушбу типи КД-плеерларда қайта ишланадиган аудио/видео маҳсулотларидан ҳеч фарқ қилмайди.русчаЭлектронные образовательные ресурсы, представляющие собой видео или звуковой фрагмент — это разновидность электронных образовательных ресурсов. Формальные отличия от книги: ни кино, ни анимация (мультфильм), ни звук в полиграфическом издании невозможны. Однако по отношению к обучаемому этот тип ЭОР не отличается ничем от аудио/видео продуктов, воспроизводимых на бытовом CD-плеере.инглизчаElectronic educational resources, representing a video or sound fragment - a kind of electronic educational resources. Formal differences from the book: no cinema, no animation (cartoon), no sound in the printing edition is impossible. However, with respect to the trainee, this type of ESM does not differ from anything from the audio / video products reproduced on a household CD player.

от 1. Юрт-эл орасида бирор нарса, воқеа ва шу кабилар тўғрисида тарқалган хабар, гап-сўз, миш-миш.

Бироқ тез кунларда Фозилжон уйланмоқчи эмиш, аммаси қиз қидириб юрибди, деган овозаларни эшитишди. — С. Зуннунова, Кўк чироқлар

2. Шуҳрат, довруқ, донг.

Гўзал Арманистон, мени афв эт, Даъвом ёʻқ шуҳратинг овозасига. — С. Абдулла

3. мус. Ўн икки мақом тизимидаги пардалар тузилмаси.