Qidiruv

ot 1. Otaning oʻz farzandiga boʻlgan munosabatlari va shu munosabatlarga bogʻliq holatlar.

Otalik burchi. Otalik muhabbati.

Qutbiddinovning otalik mehri joʻsh urib ketdi, Suyarning boshidan, yuzidan oʻpdi, quchoqladi. — A. Qahhor, Oʻjar

Togʻay oʻsha tun otalik baxtini his etib, xayol qanotida yuksak-yuksaklarga uchdi. — Yoshlik

2. bot. Oʻsimliklarda hosilni vujudga keltiruvchi erkak generativ aʼzo; changchi.

Tok gulida onaligi yaxshi rivojlangan boʻlib, otaligi esa uncha yaxshi taraqqiy etmagan. — Fan va turmush

ot 1. Farzandli, bola-chaqali er kishi (oʻz bolalariga nisbatan).

Ota boʻlmay, ota qadrini bilmas. — Maqol

otamisiz, nimasiz axir, oʻgʻlingizni tiyib olish sira esingizga keladimi? — A. Qodiriy, Oʻtgan kunlar

Tojiddinning otasi ham kampirining oʻlimidan keyin koʻp oʻtmay vafot etgan edi. — S. Zunnunova, Olov

2. Yoshi katta kishilarga murojaat qilishda yoki ularni hurmatlash uchun ishlatiladi.

Otalar soʻzi — aqlning koʻzi. — Maqol

Yunusali ota qayoqqa borishni bilmay, hardamxayol boʻlib turgandan keyin idora tarafga yoʻl oldi. — S. Ahmad, Ufq

Qoratoy Oʻrozni darrov Shokir otaga yubordi. — Oybek, Tanlangan asarlar

3. Oʻgʻil bolani erkalatish uchun ishlatiladi.

4. koʻchma Biror ish yoki harakatni boshlab bergan, unga asos solgan kishi haqida.

Abdulla Qodiriy oʻzbek romanchiligining otasidir. Jukovskiy rus aviatsiyasining otasidir.

5. koʻchma Mehribon boshliq, rahnamo haqida.

U [Mixail Markovich] kolxozchilarga ota boʻldi, gʻamxoʻrlik qildi, ish oʻrgatdi. — Oydin, Mardlik — mangulik

6. El-yurtga boshchilik qiluvchi, yoshi yoki mansabi ulugʻ zot haqida

[Yormat:] Tayyorlan, qizim, Senga yurt otasi, ellikboshimiz gapiradilar. — Oybek, Tanlangan asarlar

ot 1. Otmoq feʼlidan sifatdosh.

Tong otar chogʻi. Olti otar minomyot.

2. ot , s.t. Katta bazm, toʻy.

Qirmizxon hali ham goh-gohida xufiyona toʻyga chiqar, otardan tushgan toʻn, koʻylak, doʻppi, hech boʻlmaganda, bir juft aroq yoki konyak bilan boshligʻining koʻnglini olib turar edi. — N. Aminov, Qahqaha

sft. Otasi bor, otasi hayot.

Otali yetim — orsiz yetim, onali yetim — orli yetim. — Maqol

Oʻlgan alpim tirilib kelar deyman, yor-yor. Yodgorjonim otali boʻlar deyman, yor-yor. — Alpomish

ot 1. Oʻt, olov.

Odam — ishdan, maʼdan — otashdan bahra topadi. — Maqol

U oʻz murodiga yetgani uchun muqaddas otash va suv xudosiga shukur qilib, allaqanday bir duoni oʻqidi. — M. Osim, Karvon yoʻllarida

Yuryev batareyalari yopiq pozitsiyadan turib, yov ustiga jahannam otashi yogʻdirdi. — I. Rahim, Chin muhabbat

2. koʻchma Dilni yondiradigan, oʻrtantiradigan haroratli his-tuygʻu,

Hijron otashi.

Hafiza Umid yuragidagi otashga suv sepib, oʻchirib ketmoqchi boʻldi. — Mirmuhsin, Umid