Қидирув

от 1. Одам, ҳайвон, ўсимлик ва умуман, жонли организмларнинг маълум бир вазифаларни бажарадиган қисми; аъзо.

Сезги органлари. Эшитиш органи.

2. Ҳаётнинг муайян бир соҳасида белгили вазифаларни бажарувчи муассаса, ташкилот.

Орган ходимларига Бегматовнинг яширинмай, очиқчасига бемалол юриши ёқмас эди. — Ёшлик

Бу қарорга биноан, ОАК Олий ва ўрта таълим вазирлиги қарамоғидан олиниб, Вазирлар Маҳкамасининг органига айлантирилди. — Фан ва турмуш

3. Бирор партия, ташкилот ёки муассаса томонидан нашр қилинадиган ва шу ташкилотнинг қарашларини акс эттирадиган вақтли матбуот.

Шарқ юлдузи журнали — Ўзбекистон Ёзувчилар уюшмасининг органидир.

4. тех. Механизм ва машиналарнинг маълум вазифани бажарадиган мураккаб мустақил қисми.

Тракторнинг бошқариш органи.

Роботнинг ишчи органи — ҳаракат қилувчи ва юмуш бажарувчи механик қўли одамнинг қўлига ўхшайди. — Фан ва турмуш

сфт. Органик кимё мутахассиси, олими.

айн. одат 1. А. Мухтор, Чинор

Ҳечқиси ёʻқ, аввал шунақа қийин бўлади, кейин ўрганиш бўлиб кетар

Бадианинг йигитона кийиниб юрганини қўшнилар ҳам кўриб таажжубланишгани ёʻқ, чунки бу шаддод қиздан ҳайиқишар ва бу ўрганиш бўлиб қолган эди — Мирмуҳсин, Меъмор

от Орган чалувчи мусиқачи; орган созловчи ёки таъмирловчи уста.

от Ҳар қандай тирик мавжудот.

Соғлом организм,

Очиқ ҳавода сайр қилиш бола организми учун ниҳоятда фойдалидир. — Фан ва турмуш

Олма шарбати организмни бақувват қилади. — Саодат

фл. 1. Билим, касб, иш ва шу кабиларни ўзлаштирмоқ, эгалламоқ, билиб олмоқ.

Бировдан иш ўрганмоқ. Шахмат ўйинини ўрганмоқ. Ҳунар ўрганмоқ. Оз-оздан ўрганиб олим бўлар. — Мақол.

Ишни оддий бетончиликдан бошлаган ўсмир аста-секин керакли касбларнинг ҳаммасини ўрганиб олди. — Газетадан

Ўтган ярим асрлик мураббийлик даврим мен учун ҳам катта ҳаёт дарсхонаси бўлди, кўп нарса ўргандим. — Газетадан

2. Сири, моҳияти, мазмуни ва шу кабиларни аниқлаш, белгилаш мақсадида текширув, кузатув, таҳлилдан ўтказмоқ.

Бу далилларни синчиклаб ўрганиб, Қуёшнинг нисбатан тинч пайтида космик нурланиш ердан узоқ жойларда киши учун хавфли бўлмаслиги керак, деган хулосага келиш мумкин. — Фан ва турмуш

Сибирлик археологлар трасса бўйлаб қазишмалар чоғида чиққан тош аср қуролларини ўргандилар. — Газетадан

республикамиздаги қадимий конларга доир адабиётларни икки-уч йилдан буён синчиклаб ўрганаётган эди. — С. Кароматов, Олтин қум

3. Ғайритабиий, ноқулай каби туйилмайдиган ҳолга айланмоқ, шундай сезилмоқ, қабул қилмоқ.

Халқ бунга ҳақли эди, чунки бундай тинчсизликларни кўра-кўра жуда ўрганиб қолди. — А. Қодирий, Ўтган кунлар

Булар орасидаги бетакаллуф муомала ва муносабатга одамлар ўрганиб қолди. — А. Қаҳҳор, Қўшчинор чироқлари

4. Одат қилмоқ

Ўрганган кўнгил ўртанса қўймас. — Мақол

Тўққизинчига ўтгунча ичишни, чекишни ўргандим. — С. Сиёев, Ёруғлик

5. Ўзини яхши алоқада тутмоқ, мослашмоқ, боғланиб (ўзиники бўлиб) қолмоқ.

Бу тўриқ менга жуда ўрганган. — Мирмуҳсин, Меъмор

Хола бир-икки кун ичида янги шароитга ўрганди, қўшнилар билан танишди. — Гулдаста