Qidiruv

sft. 1. Hovuz, ekinzor kabi joylarga bir tomondan kirib, ikkinchi tomondan chiqib ketadigan suv.

2. Partov suv, chiqit, iflos suv.

U qoʻlini yuvayotib, quvurga jildirab oqayotgan oqovaga tikilgan kuyi, beixtiyor xayolga toldi. — N. Qilichev, Chigʻiriq

3. koʻchma s. t. Boʻlib oʻtgan ishning qoldiq asari, oqibati.

Bulturgi ishning oqovasi.

Bu yoʻl-yoʻlakay uzoq davom etgan dargʻazab suhbatning sovibroq qolgan oqovasi edi, shekilli. — A. Muxtor, Kumush tola

Garchand aynan shunaqa deb aytishmagan boʻlsa ham, gapning oqovasi shunga olib kelar edi. — Yoshlik

maishiy maqsadlarda yoki ishlab chiqarishda qoʻllanilgan va buning natijasida tarkibiga turli aralashmalar qoʻshilgan, hamda birlamchi kimyoviy yoki fizik xususiyatlari oʻzgargan suvlar; turar-joy punktlari, sanoat va qishloq xoʻjaligi korxonalari hududlaridan yogʻin-sochin, yerlarni sugʻorish yoki koʻchalarga suv sepish natijasida oqib chiqadigan suvlarga ham O.s. deyiladi; O.s. asosan uch turga boʻlinadi: maishiy (xoʻjalik-fekal) oqovalar, ishlab chiqarish oqovalari, qor erishi va jala (yomgʻir) oqovalari.

oqova suvlar toʻplanib qolganda hamda ularni tozalashning baʼzi turlarida paydo boʻluvchi yomon hid va gazlardagi zararli aralashmalarni yoʻqotish.

aholi istiqomat qiladigan joylarda hosil boʻladigan oqovalar; umumiy kanalizatsiya mavjud boʻlganda maishiy, ishlab chiqarish, yogʻin-sochin suvlarini oʻz ichiga oladi.