Қидирув

сфт. 1. Олови, ўти бор.

Оловли ўчоқ.

Пулемёт қисқагина тириллаб, ёнгинам-да бир оловли ханжар йилтиллади-ю сўнди, мен гурс этиб йиқилдим. — А. Мухтор, Асарлар

2. Иссиғи, ҳарорати бор, иссиқ, ҳароратли.

Меҳмон унинг [Жапақнинг] қўлини олиб, иситмаси чиқиб турган оловли кафтига босгандагина эсига келди. — А. Мухтор, Қорақалпоқ қиссаси

от 1. Юқори ҳароратда ёниб, нурланиб турган газ, аланга, ўт.

Олов ёқмоқ. Оловни ўчирмоқ. Қумғонни оловга қўймоқ. Оловнинг тиши ёʻқ, ҳўл-қуруқ билан иши ёʻқ. — Мақол

2. Чўғ.

Танчанинг оловини очинг, тақсир, баданимда қалтироқ турди. — Ҳ. Ғулом, Машъал

[Ёʻлчи] Бир қўлини қизнинг пешонасига қўйди: — Нақ оловдай — деди. — Ойбек, Танланган асарлар

3. Иссиқлик, ҳарорат.

Қуёш олови.

Қуёш осмондан олов қуйяпти. — С. Аҳмад, Таъзим

Ҳувуллаган тундай ёлғизлик қурсин, Ёлғиз чақмоқтошдан чиқмайди олов. — Ч. Эргаш, Орзунинг оғир киприклари

Ёʻлчи қуёшнинг олов селида чўмилиб, тўнка ковлар эди. — Ойбек, Танланган асарлар

4. кўчма Ғайрати ичига сиғмайдиган, юрагида ўти бор, жўшқин.

Олов йигит.

Синфнинг энг шўх, олов ўқувчиси Санжар бўлса, оғзини катта очганча, Ойша холага тикилиб қолди. — С. Зуннунова, Кўк чироқлар

Ўзиям десангиз, отинойиси, олов. На бир қўрқишни билади, на бир нарсадан ман тортишни. — Ш. Тошматов, Эрк қуши

5. Жўшқин туйғу, ҳиссиёт.

Шунча тутқун бўлишига қарамасдан, бу қизнинг қалбига муҳаббат олови аллақачон тушган эди. — С. Зуннунова, Олов

Исфандиёрнинг инжиқ ва худбин кўнглида ўч олови ёнарди. — С. Сиёев, Аваз

Terra de Fuego

биноларнинг 90% дан ортиғини қамраб олган ва кучли қизиган газларнинг юқорига ёʻналган оқимлари мавжудлиги, шунингдек атрофдан ҳаво оқимларининг довул тезлигида келиши билан тавсифланадиган барқарор ёнғиннинг алоҳида тури.

от Сандал, самовар, печка ва шу кабиларнинг олов турадиган жойи: ўтхона.

от айн. Оташхона.