Qidiruv

sft. 1. Biror yerdan uzoqda, yiroqda boʻlgan.

Olis joy. Olis qishloq.

Axir bundan oʻn besh kun ilgari Umid yuk mashinasida Mirzachoʻldagi olis sovxozga chiqib keldi. — Mirmuhsin, Umid

Oʻspirinlar, olis manzilni koʻzlagan sayyohlarday, safarga puxta hozirlangan edilar. — Yoshlik

Olis bir qishloqdan kelib, murakkab sanʼat yoʻlini tutib, uni puxta egallashning oʻzi katta jasorat. — Gazetadan

2. Uzoq, davom etadigan; davomli, uzoq.

Olis yoʻl. Olis safar.

Yoʻllar azobi endi unutildi, deganda yana olis safarga joʻnatib yuborishmoqchi. — S. Ahmad, Jimjitlik

3. Oʻtmishdagi, qadimgi.

Lekin tanimizda kezar-ku, beshak, Olis bobolarning ming yillik qoni. — A. Oripov, Yillar armoni

ot Uzoqlik, yiroqlik.

Men ham qarshi emasman-u, bir tomoni — yolgʻizlik, yana bir tomoni — shaharning olisligi. — H. Gʻulom, Mashʼal

Muxtasar yangi uy qurib olgach, eski uyi qoshidagi ogʻilxona olislik qilib qoldi. — Saodat

fl. 1. Olmoq feʼlining birgalik nisbati. Fikr olishmoq.

Oshdan Yemagan boʻlsangiz, siz ham olishing, — dedi bek. — A. Qodiriy, Oʻtgan kunlar

2. Urishmoq, kurashmoq, jang qilmoq; mushtlashmoq.

Qahhor va Ozod olisha ketishdi. Ozod bir amallab uning iskanjasidan chiqarkan, qayta soʻradi: — Nima gap oʻzi? — Yoshlik

3. koʻchma Biron-bir toʻsiqni yengish, uni bartaraf etish maqsadida tinimsiz harakat qilmoq.

Kanalga kelmaganlar paxta bilan olishib yotishibdi. — S. Ahmad, Ufq

Butun xalq Konibodomdan Uchqoʻrgʻongacha choʻzilgan qurilishda tinim bilmay mehnat qilar, yer bilan, toshu shagʻallar bilan olishardi. — S. Ahmad, Ufq

4. koʻchma Bahslashmoq, haq-huquq talashmoq, tortishmoq; bir-birini yengish uchun tirishmoq.

Hakimboyvachchaning yaqin doʻstlaridan bir kishi Mirzakarimboyga orqavorotdan tip tekizganini eshitib, u bilan uzoq zamon olishgan. — Oybek, Tanlangan asarlar

Qudrat kambagʻallar tarafini olib, qishloq baloxoʻrlari bilan olishmagan kunini bilmaydi. — M. Ismoiliy, Fargʻona tong otguncha

fl. 1. Biror yerdan uzoqlashmoq, yiroq ketib qolmoq.

Otliq olislab ketdi.

Said bugun yana shu kishi kelar ekan-da, deya mingʻillab, ichida soʻkindi-da, ulardan olisladi. — Yoshlik

2. Uzoq, vaqt tutilib qolmoq, hayallamoq.

Koʻp olislama, tez qayt.

sft. Uzoq-yaqin, yiroq-yovuq.

Klub olis-yaqindan kelganlar bilan toʻldi.

Uni koʻrgani olis-yaqindan qarindosh-urugʻ, yor-birodarlari kelishdi. — Sh. Xolmirzayev, Ogʻir tosh koʻchsa

fl. Olislamoq feʼlining majhul nisbati.