Qidiruv

sft. Oilasi, bola-chaqasi va roʻz-gʻori bor; uylangan (xotin olgan yoki erga teggan).

Samovar — keldi-ketdi joy. Bu yerda sizdek oilali odamga bir kun emas, bir soat ham turish ma/yul keladi. — P. Tursun, Oʻqituvchi

Bu choqqacha, balki oilali boʻlardi, balki ona boʻlardi. — S. Zunnunova, Koʻk chiroqlar

ot 1. Er-xotin, ularning bola-chaqalari va eng yaqin tugʻishganlaridan iborat birga yashovchi kishilar majmui; xonadon.

Ahil oila. Sanʼatkorlar oilasi. Oila boshligʻi.

[Eshvoy] Kambagʻal boʻlishiga qaramay, Yoʻlchining oilasiga yordam koʻrsatar edi. — Oybek, Tanlangan asarlar

Oilaning har bir aʼzosi oʻz ishi, yumushi bilan mashgʻul. — H. Gʻulom, Mashʼal

Birovga qiziqish, oila qurish Bu gaplar Zamirani choʻchitar, Ochil uni yomon yoʻlga boshlayotganday tuyulardi. — P. Qodirov, Uch ildiz

2. koʻchma Bir maqsad, maslak bilan birlashgan koʻp kishilar, xalqlar, mamlakatlar.

Oʻzbekistonda turli millat vakillari bir oila boʻlib yashamoqdalar. — Gazetadan

— Butun askarlar bir oila, ahil, mehribon va qalin doʻstmiz, — dedi — Bektemir. Oybek, Quyosh qoraymas

3. Oʻsimliklar va hayvonlar sistematikasida tuzilish jihatidan bir-biriga oʻxshash, kelib chiqish jihatidan ham oʻzaro yaqin bir necha urugʻni oʻz ichiga olgan guruh.

Dukkaklilar oilasi. Oʻrdaktumshuqlilar oilasi.

Turp butaguldoshlar oilasiga mansub ikki yillik, ildizmevali koʻkat oʻsimligi deyishadi botaniklar. — K. Mahmudov, Qiziqarli pazandalik

4. Qardosh tillar guruhi.

Oltoy tillar oilasi. Som-hom tillari oilasi.

5. s. t. Rafiqa, xotin.

Oilam maktabda oʻqituvchi.

sft. Xotin olmagan yoki erga tegmagan; yolgʻiz.

U oʻzini oilasiz yashashga koʻniktirmoqchi boʻlardi, kunini xayol surish bilan oʻtkazardi. — S. Zunnunova, Koʻk chiroqlar

sft. Oilaga mansub, oilaga tegishli; oilada boʻladigan.

Oilaviy ahvolingiz qanday? Oilaviy oʻtirish.

Saidiyni koʻrganida, oʻzini hatto uz turmushidan, oilaviy hayotidan juda mamnun qilib koʻrsatishga tirishar edi. — A. Qahhor, Sarob

ot 1. Oila, roʻzgʻor tashvishlari, oila ikir-chikirlari.

Salim aka hovli etagida joylashgan ayvondagi sigir va qoʻylarga nazar tashlab: — Oilachilik ekan, mana shularsiz qishloqda hayot yoʻqdek tuyuladi, — dedi kulib. — Gazetadan

2. Oiladagi tartib va munosabatlar.

3. salb. Kadrlar tanlashda, ularni ishga joylashda, narsa, haq va shu kabilarni taqsimlash kabi jarayonlarda oʻz yaqinlarini toʻplash va ularga imtiyoz berishdan iborat gʻayriqonuniy harakat.

Oilachilikka qarshi kurashish.

sft. Oʻz oilasini, bola-chaqasini sevuvchi, u haqda doimo gʻamxoʻrlik qiluvchi.

U kishi nihoyatda oilaparvar, koʻngli keng, hech bir ishdan erinmaydigan inson — Gazetadan