«oftobli» boʻyicha 13 ta natija
sft. Oftob chiqib turgan, quyoshli.
Oftobli kun.
Baʼzan oftobli kunlari Frazu Annaning yordami bilan mening yonimdagi deraza rafiga kelib oʻtiradi, hovliga qaraydi. — A. Muxtor, Asarlar
ot 1. Quyosh, kun.
Odamning yuzi oftobdan issiq. — Maqol
Oftob chiqdi olamga, Yugurib bordim xolamga. — Folklor
Palataga kirdik. Shu payt oftob yana bulut ostiga kirdi-yu, palatani shom qorongʻiligi bosdi. — A. Qahhor, Ming bir jon
2. Quyosh tarqatayotgan nur; quyosh harorati.
Tanasi ikki katta qulochga sigʻmaydigan bir tup sada tevarakka tangaday oftob tushirmaydi. — Oybek, Tanlangan asarlar
Ustidagi gimnastyorkasi yomgʻirda yuvilib, oftobda oʻngib, oqarib ketgan edi. — I. Rahim, Chin muhabbat
Ayam meni bundaqa oftobda jizgʻinak boʻlish uchun tuqqan emas. — Oybek, Oltin vodiydan shabadalar
3. Quyosh nuri tushib turgan, quyosh isitib turgan joy.
Oftobda isinmoq. Tekinga mushuk ham oftobga chiqmaydi. — Maqol
Umrida qarmoq ushlamagan chollar oftobda oʻtirib, toʻr yamashga tushishdi. — A. Muxtor, Qoraqalpoq qissasi
Koʻm-koʻk barglar orasida tizilib, gʻuch-gʻuch boʻlib, oftobda sadafdek yarqirab turgan tutni koʻrib, juvonning ham ogʻzi suv ochdi. — A. Qahhor, Qoʻshchinor chiroqlari
4. koʻchma Yorituvchi, yangilik kirituvchi, oʻzgartiruvchi.
Sizga oʻxshagan ayollarimizning har biri qora kun ichida yotgan minglab xotin-qizlarimizning roʻzgʻoriga oftob boʻlib kirib borishyapti. — S. Zunnunova, Olov
ot shv. Obdasta.
Momo ayvonga yetgach, oftobani yerga qoʻydi. — Yoshlik
Komil ayvon oldida turgan mis oftoba bilan mis dashshani olib, Said afandining qoʻliga suv quydi. — H. Gʻulom, Mashʼal
Mustafo supa chetida turgan oftobadan qoʻlini chaydi. — M. M. Doʻst, Galatepa qissalari
shv. Oftobda quritilgan mevalar, masalan, mayiz, turshak, qoqi.
ot tar. Xonlar saroyida xon, amir va uning mehmonlari qoʻl yuvayotganda, ularga oftoba tutuvchi lavozimli shaxs.
Abdurahmon oftobachi va bir necha mahalliy aʼyonlar birin-ketin shohsupadan joy oldilar. — X. Sultonov, Bir oqshom ertagi
sft. 1. Quyoshga qaragan, quyosh nuri koʻp tushadigan; kungay.
Oftobroʻya uy.
Ozod soʻriga yaqinlashganda, xotini ishkom tagidagi oʻsmadan yulib, oftobroʻya yerga tashlamoqda edi. — S. Mahkamov, Bir juft don
2. ayn. Oftobchuvoq.
Chivinlar oftobroʻyada oʻtirgan odamlarni gʻingʻillab notinch etishardi. — S. Ayniy, Qullar
quyoshli Quyosh nur sochib turadigan; oftobli, serquyosh. Qishda quyoshli, yozda salqin, dam oladigan ajoyib ikki xona. Guldasta Sen quyoshli oʻlka bolasi, Istiqboling nu
bug‘doypoya Bugʻdoy oʻsib yotgan maydon, yer. Ahmadjon oʻttiz-qirq metr naridagi bugʻdoypoya orasida bir nemisning boshini koʻrib qoldi. A. Qahhor, Oltin yulduz raketachi
