от 1. Олға ёки орқага, ўнг ёки сўлга оёқ ташлаб қилинган ҳаракат; қадам.
Кўчанинг бурилишида яна бир оз унинг [Отабекнинг] одимлари секинлашса ҳам, лекин олдинлашни қўймай бораверди. — А. Қодирий, Ўтган кунлар
2. Бир қадам оралиғидаги масофа; шу масофага тенг ўлчов бирлиги.
Бир одим. Орамиз икки одимча келади.
Бойнинг дарвозасидан йигирма одим наридаги эски, кичкина эшик кишининг ғашини келтирувчи товуш чиқариб очилади. — Ойбек, Танланган асарлар
3. кўчма Ўсиш, ривожланиш суръати.
Қайта қуришнинг одимлари тобора шиддаткор бўлиб боряпти. — Газетадан
4. кўчма Ҳаракат, қадам олиш, юриш-туриш.
Унинг одими бежо!
- Одим олмоқ Юра бошламоқ, юришда, қадам ташлашда давом этмоқ. Бирга одим олдик чўққилар сари. — Т. Тўла.
- Одим отмоқ (ёки ташламоқ) 1. Қадам ташлаб олдинга юриб бормоқ. Барчиной лангарни маҳкам ушлаб, оҳиста одим отган куйи, тобора илгарилайверди. Одамлар унинг ҳар бир қадамини ҳадикли бир ҳайрат билан кузатишарди. — Н. Қиличев, ЧиғириқИстиқбол сари ишонч билан одим ташламоқ.
- Одим қўймоқ 1. Қадам босмоқ, юрмоқ. Бола одим қўйиб кетяпти;Ю. Гагарин тарихда биринчи бўлиб космосга одим қўйди.
- Одимини бўшаштирмоқ Юришини секинлаштирмоқ, секинлашмоқ. Ёʻл бошловчи парвойи фалак, бархан ошиб, илгарилаб борарди. Худди жон керак бўлса, етиб олсин дегандай, одимини бўшаштирмайди. — М. Мансуров, Ёмби
- Одимини тезлатмоқ Юришини тезлатмоқ, тезроқ юрмоқ.
- Бир одим Яқин, бир қадам. Бошқалар учун узоқ, жуда узоқ туюлган раён маркази унинг учун бир одим — на қиш изғиринини билади, на саратон жазирамасини. — Н. Норқулов, Тўқнашув
- Одимда, одим жойда (ёки сайин) Ҳар қадамда (тез-тез учраб турадиган нарса ҳақида). Одимда чойхона.[Отабек ва Али] Одим сайин бир ўликка учрар эдилар. — А. Қодирий, Ўтган кунлар
- Одимни санаб босмоқ 1. Секин, имиллаб юрмоқ; [Отабек] Одимини санаб босиш, бир чўқиб саккиз ёққа қараш каби эҳтиётликларга ўрганиб қолган. — А. Қодирий, Ўтган кунлар