Hayot Foundation loyihasi
Loyiha haqida
Oʻz
Oʻz

Qidiruv

«odamlik» boʻyicha 52 ta natija

Filtr
Lugʻat turi
Izohli Tarjima Terminologik Frazeologik
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

48 ta
odamlik
Izohli lugʻat · yana 1 ta lugʻatda

ot 1. Odam, inson ekanlik, odam boʻlish.

2. ayn. Odamiylik.

U oilaviy munosabatlardagi burchni tushunar va odamlikning boshlanishi deb qarar edi. — S. Zunnunova, Olov

Yoʻlchida oʻz kuchiga ishongan, qadr-qimmatini baland tutgan kambagʻal yigitning, odamlikning gʻururi kuchli edi. — Oybek, Tanlangan asarlar

  • Sadqayi odamlik (ketsin) ! Odamgarchilikka toʻgʻri kelmaydigan ishni qilgan kimsaga tanbeh yuzasidan aytiladigan ibora. Qoʻying, Salimaxon, xafa boʻlmang, sadqayi odamlik ketsin, u bu yaxshilikni bilmasa ham, xalq biladi. — Yoshlik
Toʻliq maqola →
odam
Izohli lugʻat · yana 8 ta lugʻatda

ot 1. Fikrlash, soʻzlash va mehnat qilish qobiliyatiga ega boʻlgan, shu tufayli boshqa hamma maxluqotdan ustun turuvchi jonli zot; kishi, inson.

Ibtidoiy odam.

2. Kishilik jamiyatining ayrim bir aʼzosi, shaxs.

Yaxshi odam. Halol odam. Asl odam. Ablah odam. Odam borki, odamlarning naqshidir, odam borki, hayvon undan yaxshidir. — Maqol

Odam taftini odam koʻtaradi deganidek, Nizomjon kelib, uy toʻlib qolgandek boʻldi. — S. Ahmad, Ufq

Avaz oʻzicha oʻylandi: Bir ulugʻ odamning, bir gʻaribning janozasiga odam koʻp keladi, deganlari rost ekan-da. — S. Siyoyev, Yorugʻlik

Bular bu yerga oʻtirgani kelgani yoʻq, bir odamni qidirib kelishgan. — A. Qahhor, Ogʻaynilar

Bizning Nabigul odam emas-e oʻzi! Yosh-da, hali oshna-ogʻaynigarchilikni bilmaydi. — A. Qahhor, Qanotsiz chittak

3. Jamoa xoʻjaligi, oila aʼzolarining har biri; jon.

Odam boshiga besh soʻmdan. Xarajat va daromadlarni odamga qarab taqsimlamoq.

Hasharga har bir xoʻjalik qirqtadan odam beradi. — T. Ashurov, Oq ot

4. Biror boy-badavlat yoki amaldor kishining xizmatkori yoki tarafdori.

Keyingi yillarda xon odamlari qishloqma-qishloq yurib, koʻproq paxta ekishni talab qilishyapti. — S. Siyoyev, Yorugʻlik

Bundan keyin gaplarimni uqib oling, modomiki men bilan birgasiz, mening odamimsiz, har bir ishni men bilan bahamjihat qiling. — Oybek, Tanlangan asarlar

5. Oʻzga jamoa yoki oila vakili.

Lekin qizlaridan yashirincha kuyovnikidan odam kelib qolar, deb kutdilar. — S. Zunnunova, Koʻk chiroqlar

  • Odam bolasi (yoki farzandi) 1. Odamzod, inson. Odam bolasining qoʻllari qoʻl holida turganda chiroyli ekan. — X. Toʻxtaboyev, Yiillar va yoʻllarTavba, xursandchilik odam bolasini nimalar qilmaydi-ya! — M. Ismoiliy, Fargʻona tong otgunchaOtang bolasi boʻlma, odam bolasi boʻl! — MaqolHe, xotin, ular bizni odam bolasi deb kelgan, odamgarchiligimizdan minnatdor boʻlib, xursand boʻlib ketishdi. — Shukrullo, Saylanma
  • Odam boʻlmaslik Tuzalmaslik, shu kuyi qolmoq. Men sevgan doʻstlarimdan ajraldim, odam boʻlmadim, bu kunimdan oʻlganim yaxshi, deb kayf bilan eshikdan kirib kelib qoldi. — Shukrullo, Saylanma
  • Odam boʻlmoq 1. Tarbiyat topib, yaxshi fazilatlarga, chin insoniy xislatlarga ega boʻlmoq. Har bir ota-ona oʻgʻil va qizining odam boʻlishini, baxt-saodatli hayot kechirishini, turmushi lazzatli boʻlishini istaydi. — GazetadanTursunboyni koʻrib qoldim, ancha toʻlishib, odam boʻlib qolibdi. — Yoshlik
  • Odam qilmoq 1. Tarbiyalab, chin insonga, yaxshi fazilat sohibiga aylantirmoq. Gap shuki, shu kanal, shu muhit meni odam qildi. — S. Ahmad, UfqXudoyqul mening oʻz jigarim, ammamdan qolgan sagʻir. Yetti yoshidan boqib, odam qildim. — P. Tursun, OʻqituvchiTashlandiq Uralni odam qilgan, shu priyomnikni tuzata olmaysanmi? — T. Ashurov, Oq ot
  • Nima degan odam boʻldi Birovning oldida xijolat boʻldi; uyalib qoldi, obroʻsi toʻkildi obroʻsiz boʻldi. Voy shoʻrim, endi nima qilaman, Rasuljon oldida nima degan odam boʻldim. — T. Ashurov, Oq ot
Toʻliq maqola →
odamiy
Izohli lugʻat · yana 1 ta lugʻatda

sft. 1. Chin odam, haqiqiy inson, odamlarga jonkuyar.

Kim, kuchuk birlan xoʻtikka qancha qilsang tarbiyat, It boʻlur, eshak boʻlur boʻlmaslar aslo odamiy. Alisher Navoiy.

2. sft. Odamga, chin insonga xos xususiyat.

Odamiy qiyofa. Odamiy fazilatlar.

Toʻliq maqola →
odamovi
Izohli lugʻat · yana 4 ta lugʻatda

sft. Odamlardan oʻzini chetga olib yuradigan, hech kimga qoʻshilmaydigan, el-xalqqa aralashmaydigan.

Rajab bolalikdan kamgap, odamovi chiqdi. — H. Nazir, Indamas

Yigitlardan kimdir Huri haqida gap ochib, uni odamovi debdi. — F. Musajonov, Huri.

Toʻliq maqola →
odamxoʻr
Izohli lugʻat · yana 3 ta lugʻatda

ot 1. Odam goʻshtini yeydigan; yovvoyi, vahshiy.

Bir togʻning izasida odamsifat, odamxoʻr, vahshiy jondorlarning makoni bor edi. — Yodgor.

2. koʻchma Oʻtaketgan yovuz, zolim, qotil, jallod.

Odamxoʻr zolimlar, beklar, xoqonlar Oltin qadahlarda sharob ichardi. — Uygʻun

Hayitgul opa kabi ayollar front orqasida odamxoʻr Gitler uyasini oʻqqa tutganlar. — Saodat

Toʻliq maqola →

Hammasini koʻrish · 48 →

Taʼriflar ichida

4 ta
odamiylik

odamiylik Odamga, chin insonga xos xislatlar; chin odamlik, insonlik. Odamning odamiyligi uning farzandlariga, oilasiga va yaqinlariga boʻlgan muruvvatidan boshlanadi. Ga

insonlik

insonlik Inson nasliga mansublik; odamlik. Paranji ichida qul boʻlib kelgan ayollarni jamoat ishiga koʻplab tortinglar. Ularda insonlik huquqi, insonlik tushunchasini uyg

havoli

havoli Havosi bor, havoga ega boʻlgan; bahavo. Siqiq havoli ballon. Buzuq ha-voli xona. Yopchon asriy sirlarni Bagʻriga olgan qishloq. Yopchon xushboʻy havoli, Farahbaxsh

havoli

havoli Havosi bor, havoga ega boʻlgan; bahavo. Siqiq havoli ballon. Buzuq ha-voli xona. Yopchon asriy sirlarni Bagʻriga olgan qishloq. Yopchon xushboʻy havoli, Farahbaxsh