Qidiruv

fl. Och qoldirmoq.

Yerning koʻpi ochiqtiradi, molning — ozi. — Qanotli soʻzlar

fl. Och qolmoq, qorni ochib, ovqat tusab qolmoq.

Yoʻldan ochiqib kelgan kishining dimogʻiga qilinayotgan ovqatning hidi kirganda, tezroq pisha qolsa edi, deb bezovta boʻladi. — M. Ismoiliy, Fargʻona tong otguncha

Shavkat kechqurun tuz totmagani uchun qattiq ochiqqandi. — Q. Kenja, Togʻ yoʻlida bir oqshom

sft. 1. Oʻchgan, oʻchirilgan.

Ikkinchi qavatdagi chiroqlari oʻchiq xona derazalariga ichki bir armon bilan tikilaman. — Gazetadan

2. Qizilligi yoʻqolgan; boʻzargan (rang-tus haqida).

Yuzlari pachaqlangan, hamma yogʻi momataloq, sochlari toʻzgʻigan, rangi oʻchiq Joʻraxon yotar edi. — M. Ismoiliy, Fargʻona tong otguncha

Haydar sovuq, oʻchiq yuzini ters burgan podshohga taʼzim qilib, orqasi bilan yurib chiqdi. — Oybek, Navoiy

ayn . Ochiqchasiga.

U Gulnor bilan ochiqcha soʻzlashuv kerak. — Oybek, Tanlangan asarlar

ot 1. Ochiq ekanlik; ravshanlik; oshkoralik.

Havoning ochiqligi.

Odamzodning fitnasi yomon boʻladi. Koʻngli ochiqlikka ne yetsin. — Mirmuhsin, Umid

2. Ochiq, erkin joy; erkinlik.

Zindondagi shirin sharbatdan ochiqlikdagi sitam, gʻurbat yaxshiroqmasmi? — Hamza, Maysaraning ishi

3. Oraliqdagi joy, oraliq.

Tovush paychalari oʻrtasidagi ochiqlik.

rvsh. 1. Aniq-ravshan; shubhasiz. Ochiq-oydin masala. Ochiq-oydin javob.

U [Nuri] kelin boʻlib borgusi oilaning boyligini oʻylamagan, chunki bu narsa u uchun ochiq-oydin edi. — Oybek, Tanlangan asarlar

2. Ochiq, roʻyirost.

Yoʻldosh bolaning esi-pastligiga ishonmasa-da, buni Xayriga ochiq-oydin aytolmadi. — Yoshlik

Manavi sabil arizada ochiq-oydin yozib qoʻyilgan. — S. Ahmad, Hukm