лот. обсерватио – кузатиш
1. аниқланган қўзғатувчи ўта хавфли инфексиялар гуруҳига кирмайдиган ва оммавий касалликлар хавфи бўлмаган ҳолларда ўтказиладиган тадбирлар мажмуи;
2. карантин юқумли касалликларга чалинганлар ва карантин зонасидан чиқиб кетаётганлар билан мулоқотда бўлиб, ажратиб қўйилган соғлом одамларни тиббий кузатиш тадбирлари тизими;
3. тиббий ва ветеринар кузатишни кучайтириш ҳамда эпидемияга қарши, даволаш-профилактика ва ветеринар-санитар тадбирларни ўтказиш билан бир қаторда обсервация зонасини ташкил этувчи, карантин зонаси билан ёндош маъмурий-хўжалик тузилмаларда одамлар ва қишлоқ хўжалик ҳайвонларининг кўчиши ва ҳаракатланишини чеклашни кўзда тутувчи режим-чеклаш тадбирлари. О. юқумли касалликларнинг тарқалиб кетишини олдини олишга қаратилади.