Qidiruv

fl. Oʻrnashtirmoq feʼlining majhul nisbati.

fl. 1. Biron oʻrinni yoki joyni egallamoq, egallab oʻtirmoq, oʻrinlashmoq.

U kresloga qulay oʻrnashib oldi. Oʻrnashib oʻtiring. Joy notekis boʻlgani uchun stol oʻrnashmadi.

Haligi shox arqonning orasiga butoq-mutoqlari bilan kirib, mahkam oʻrnashib olibdi. — P. Qodirov, Qora koʻzlar

Sidiqjon egarga yaxshiroq oʻrnashib, otning jilovini silkidi. — A. Qahhor, Qoʻshchinor chiroqlari

2. koʻchma Bir joy, oʻrinda mavjud boʻlmoq, unda joy olmoq.

Koʻzlariga oʻrnashgan, singishgan gʻam ketmagan edi. — M. Ismoiliy, Fargʻona tong otguncha

3. Biror joyni ishgʻol qilmoq, biror joyda yashamoq; hayot kechirmoq, turmoq.

Yotoqqa oʻrnashmoq. Kvartiraga oʻrnashmoq. U shaharga oʻrnashib qoldi.

Yangi yerlarga jasur yoshlar koʻchib borishib, oʻrnashib qolmoqdalar. — Gazetadan

Dushman muhim strategik ahamiyatga ega boʻlgan stansiyada juda mahkam oʻrnashgan va har qanday qurbon badaliga boʻlsa-da, uni qoʻldan chiqarmaslikka tirishardi. — Oybek, Quyosh qoraymas

4. Biror ish-faoliyat, lavozim va shu kabilarda oʻrin egallamoq, unda muqim boʻlmoq.

Direktorlikka oʻrnashmoq. Institutga oʻrnashmoq.

U

viloyat gazetasiga masʼul kotib boʻlib oʻrnashdi. — A. Qahhor, Sarob

Ammo Xolmirzayev hech yerda muqim oʻrnasholmadi. — Mushtum

5. koʻchma Es, xayol va shu kabilarda joy egallamoq.

Bu lavhaning hammasi uning xayoliga qattiq oʻrnashib qolgan edi. — Shuhrat, Shinelli yillar

mayin tovushi, nuqradek sovuq va yasamaroq jilmayishi xotiramga oʻrnashib qoldi. — A. Muxtor, Davr mening taqdirimda

Baqirgandan koʻra, maromi bilan sekinroq qilingan taʼna quloqqa yaxshiroq kiradi, zehnga yaxshiroq oʻrnashadi. — Gazetadan

Dasturiy mahsulotni kompyuter yoki boshqa qurilmaga oʻrnatish. Oʻrnatirish odatda oʻrnashtirgich – oʻrnatilayotgan dasturiy mahsulot tarkibi va tuzilishini kompyuter konfiguratsiyasi bilan muvofiqlashtiruvchi dastur boshqaruvida amalga oshirilib, uning dasturli parametrlarini mavjud operatsion tizim turi, bajarilayotgan vazifalar klasslari va ish rejimlariga binoan moslashtiradi. Shunday qilib, oʻrnashtirish dasturiy mahsulotni maʼlum hisoblash tizimida foydalanish uchun yaroqli va maʼlum ish rejimida maʼlum vazifalar klassini bajarish uchun tayyor qiladi.inglizchainstallationruschaинсталляция

fl. Oʻrnashmoq feʼlining orttirma nisbati.