Поиск

fl. 1. Yuksak hurmat, sadoqat va sevgi tufayli butun borligʻini baxsh etmoq, fido qilmoq, qurbon qilmoq.

Zarari yoʻq, Maxsum, shariatdan oʻrgilsak ham arziydi. Siz bilan menga oʻxshash ahli moʻminlarga istaganimizcha yoʻl topib beradi. — Mushtum

2. (buyruq mayli shaklida — Oʻrgilay, oʻrgilsin) Nihoyatda yoqtirish, mehribonlikni ifodalaydi.

Voy, qomatingdan onang oʻrgilsin!

Oyogʻingga nima qildi? Kir, kir tezroq! Bu yoqqa, oʻrgilay A. — Qahhor, Asarlar

Yuzing yorugʻ boʻlibdi, bolam, voy, oʻrgilay sendan. — Gazetadan

Senga yetolmay oh urganlar qancha, ammang oʻrgilsin! — Yoshlik

3. 1-shaxs birlik shakli (— oʻrgildim) Yoqtirmaslik, eʼtiroz kabi munosabatni ifodalaydi.

E, oʻrgildim oʻsha zarur ishidan, nima, biz bekorchimizmi? — Mushtum

— E, savlatingdan oʻrgildim! — dedim ichimda. Bu kasalxonaning sartaroshiki shu qadar poʻrim boʻlsa, professori qanaqaykin? — N. Aminov, Suvarak

fl. Aylanay, oʻrgilay, deya parvona boʻlmoq.

Oʻzbek oyim ham uni [Kumushni]mahkam siqib quchoqlab olgan, yuzidan shap-shap oʻpib, aylanib-oʻrgilar va tikilib-tikilib, nima uchundir yigʻlar edi. — A. Qodiriy, Oʻtgan kunlar

fl. Aylanib-oʻrgilmoq feʼlining birgalik nisbati.

ot 1. Erk-ixtiyordan tashqari holda kishi hayotida yuz bergan, yuz beradigan koʻngilsiz voqea, hodisa; holat.

— Tirik kallaning bu dunyoda koʻradigani koʻp ekan, oʻrtoq Doʻsmatov, bu ham koʻrgilik-da! — deb oh chekib, kuyinib qoʻydi Meli polvon. — P. Tursun, Oʻqituvchi

U barcha koʻrgiliklari uchun shu yigit aybdordek, Dilshodni yomon koʻrib qolgan — Oʻ. Hoshimov, Qalbingga quloq sol

2. din. Peshonaga yozilgan narsa; taqsir, qismat.

Doʻsmat unga qishloqdagi ahvol haqida hasrat qildi va har safargiday: — Hay, xudo yozgan koʻrgilik shu ekan-da! — deb hasratini tugatdi. — P. Tursun, Oʻqituvchi

Nima qilay, bu ham boʻlsa, peshonaga bitgan bir koʻrgilik, bolam. — O. Yoqubov, Er boshiga ish tushsa