Қидирув

сфт. 1. Ўлчами аниқ бўлмаган, ўлчанмаган.

Ўлчовсиз ҳосил. Ўлчовсиз мато. Ўлчовсиз ер.

2. Ўлчаб бўлмайдиган даражада; кўп, беўлчов.

Бир онда у [Ёʻлчи] ўз кучининг ўлчовсиз даражада ўсганини сезди. — Ойбек, Танланган асарлар

фл. 1. Ўлчов асбоби воситасида нарсанинг узунлиги, ўлчамини белгиламоқ.

Ёғочнинг узунлигини ўлчамоқ. Майдон сатҳини ўлчамоқ.

Оқаётган сув миқдорини ўлчамоқ. Етти ўлчаб, бир кес. — Мақол

Қани, яхши қиз, ўрнингиздан туринг, бўйингизни ўлчаймиз. — И. Раҳим, Ихлос

Сотувчилардан бири сут ўлчамоқда — Муштум

2. Фикр-мулоҳаза билан чамасини, ҳисобини қилмоқ, белгилашга ҳаракат қилмоқ.

— Кечаси бир маҳалгача гаплашиб, ҳамма бўладиган гапни ўлчаб, чамалаб кўрдик, — деди чол. — П. Турсун, Ўқитувчи.

[Ҳасанали] Бу икки турли масаланинг ўнг-терсини айлантириб муҳокама қилди ва ўлчади. — А. Қодирий, Ўтган кунлар

от 1. Раънодошлар оиласига мансуб данакли мева дарахти.

Бир туп олча.

Атроф ҳали ёруғ бўлса ҳам, пастлик булутли кунни эслатар, гулини тўккан олчаларнинг тиниқ барглари қорамтир бўлиб кўринар эди. — С. Зуннунова, Олов

2. Шу дарахтнинг юмалоқ нордон меваси.

Олча мураббоси.

Ёзнинг энг жазирамасида олчанинг сувини шарбат қилиб ичилса, ташналикни қондиради. — К. Маҳмудов, Ўзбек тансиқ таомлари

от шв . Ўлчов, ўлчам.

Амлокдор уларга [деҳқонларга] ҳам илгаридан экилиб келган ерлар қаторида бир ўлчакдан солиқ солди. С. — Айний, Эсдаликлар

от Нарсанинг ҳажми ёки катта-кичиклигини ифодалайдиган рақам кўрсаткичи; ўлчов; размер.

Ўлчами 3

бўлган хона.

500 см ўлчамдаги идиш. Бош кийим ўлчами.

Қадимги юнон олишари Ернинг шаклини аниқлаш билан бирга, ўлчамларини топиш билан ҳам шуғулланишган. — Фан ва турмуш

сфт. Ўлчамга хос бўлган; ўлчамдаги.

Қисқа ўлчамли кабеллар проценти меъёрдагидан анча камайди. — Газетадан