Qidiruv

ot 1. Oʻlgan narsa; oʻlik.

Baʼzan hurib qoladi Oʻlaksa qidirgan it. — Gʻayratiy

Devor kovagida mogʻor bosib yotgan oʻlaksaga qoʻl urib nima qilasiz. — S. Ahmad, Qadrdon dalalar

2. Oʻlar holatga yetgan, oʻta zaif, oʻlimtik.

Oʻlaksa ot. Oʻlaksa tovuq.

3. Shunday holatli narsaga nisbatli haqoratni bildiradi.

soliqni toʻlamaysan, yigʻim desa, joning boʻgʻzingga keladi, oʻlaksa! — M. Ismoiliy, Fargʻona t. o.

4. s. t. Oʻlaksaxoʻr.

Men bu soflikka oʻlaksa quzgʻunlar qoʻnishini istamayman. — A. Muxtor, Chinor

ot 1. Oʻlgan jonivorlarni yeydigan, oʻlimtik bilan ovqatlanadigan.

Oʻlaksaxoʻr, sen meni yeya olmaysan. — S. Azimova, O, Laylo.

2. ayn. Tasqara 1.

Bogʻda burgut, lochin, qarchigʻay, qirgʻiy, kalxat, boyqush, oʻlaksaxoʻrdan tortib olatoʻgʻanoqqacha tomosha qilishdi. — N. Nazarov, Zamon

3. koʻchma Ishlamay, boshqalar hisobiga yashaydigan; tekinxoʻr.

— Sababi maʼlum, — dedi otam, — agar hashar tamom boʻlsa, bu ikki yuz oʻlaksaxoʻr tekin ovqatni qayerdan topadi va otlari uchun bepul yem, beda qayerdan keladi. — S. Ayniy, Esdaliklar