Қидирув

от 1. Ўлган нарса; ўлик.

Баъзан ҳуриб қолади Ўлакса қидирган ит. — Ғайратий

Девор ковагида моғор босиб ётган ўлаксага қўл уриб нима қиласиз. — С. Аҳмад, Қадрдон далалар

2. Ўлар ҳолатга етган, ўта заиф, ўлимтик.

Ўлакса от. Ўлакса товуқ.

3. Шундай ҳолатли нарсага нисбатли ҳақоратни билдиради.

солиқни тўламайсан, йиғим деса, жонинг бўғзингга келади, ўлакса! — М. Исмоилий, Фарғона т. о.

4. с. т. Ўлаксахўр.

Мен бу софликка ўлакса қузғунлар қўнишини истамайман. — А. Мухтор, Чинор

от 1. Ўлган жониворларни ейдиган, ўлимтик билан овқатланадиган.

Ўлаксахўр, сен мени ея олмайсан. — С. Азимова, О, Лайло.

2. айн. Тасқара 1.

Боғда бургут, лочин, қарчиғай, қирғий, калхат, бойқуш, ўлаксахўрдан тортиб олатўғаноққача томоша қилишди. — Н. Назаров, Замон

3. кўчма Ишламай, бошқалар ҳисобига яшайдиган; текинхўр.

— Сабаби маълум, — деди отам, — агар ҳашар тамом бўлса, бу икки юз ўлаксахўр текин овқатни қаердан топади ва отлари учун бепул ем, беда қаердан келади. — С. Айний, Эсдаликлар