«ўғирлатмоқ» бўйича 7 та натижа
фл. Ўғирламоқ феълининг орттирма нисбати.
фл. 1. Ўзганинг нарсасини хуфиёна олмоқ, олиб кетмоқ; қонунга хилоф равишда ўзлаштирмоқ.
Ўғли рўзғорни яхшилаб, овқатларни мўл-кўл қила бошлабди. Отасининг пулини ўғирлаб, харажат қилаверибди-да. — Ойбек, Танланган асарлар
Зуҳур амаким складдан тахта ўғирлаб, қамалиб кетганлар. — Муштум
2. Кимсани бошқаларга билдирмасдан, зўрлаб олиб қочмоқ.
Ҳасаналини болалик вақтида Эрондан киши ўғирлаб келувчи бир одам қўлидан Отабекнинг бобоси ўн беш тилла баробарига сотиб олган эди. — А. Қодирий, Ўтган кунлар
3. кўчма Ўзи бирикиб келган сўз билдирган нарсани хуфиёна олмоқ, ундан айирмоқ, уни ёʻқ қилмоқ.
Жаҳолат ёмон нарса, айланай, одамнинг ақлини ўғирлаб, фожиага етаклайди. — Муштум
Алифдек қоматини сен букдинг, юзларига ажинларни сен солдинг, кўзларидан ажинларни сен ўғирладинг — С. Аҳмад, Уфқ
Домлага қўл уриш билан маҳалланинг файзини ўғирлаган бу аёлни кўрган ҳам, кўрмаган ҳам бир ғазаб билан ёмон кўрар эди. — А. Қаҳҳор, Тўйда аза
фл. Ўғирламоқ феълининг мажҳул нисбати.
фл. 1. Вазни, оғирлиги ошмоқ, оғирроқ бўлиб қолмоқ, оғир тортмоқ; вазминлашмоқ; кўпайиб бормоқ.
Ёғоч бўкиб, анча оғирлашди. Машинанинг юки оғирлашиб кетди.
Қордан кичкина юмалоқ ясаб, думалата-думалата, ўз бўйларидан баланд катта курра ясаганлар. У жуда оғирлашган. — Ойбек, Танланган асарлар
2. кўчма Тобора машаққатли бўлмоқ.
Ботиралининг хаёли унинг елкасига оғир юк бўлиб тушди ва бу юк кундан-кун оғирлашарди. — Ёшлик
3. Қийинлашмоқ, мураккаблашмоқ.
Иш оғирлашди.
4. Оғир тортмоқ, мушкуллашмоқ.
Беморнинг нафас олиши оғирлашди.
5. Моддий жиҳатдан ночор ҳолга тушиб қолмоқ; машаққатли, уқубатли бўлиб қолмоқ.
Аям ўлгандан кейин аҳволимиз яна оғирлашди. — Ойбек, Танланган асарлар
Замон оғирлашиб кетганмиш, нима қилай, қон ютиб ўтирибман. — Т. Малик, Иблис девори
6. Ноқулай, қийин бўлиб қолмоқ.
Энди қизининг олдига кириб, унинг бетига қараш унга [қутидорга] жуда ҳам оғирлашган эди, чунки бу фожианинг бош омили деб ўзини таниган эди. — А. Қодирий, Ўтган кунлар
7. Хавфли тус олмоқ, хавфли, хатарли бўлиб қолмоқ, жиддийлашмоқ.
Аҳвол борган сари оғирлашди. Погодин қўшинлари ярим ҳалқа ичида қолди. — И. Раҳим, Чин муҳаббат
— Бойларнинг чақиғи билан Ёʻлчининг иши оғирлашди,— деди Шокир ота. — Ойбек, Танланган асарлар
8. Кучаймоқ, зўраймоқ, тузалиши маҳол бўлиб қолмоқ.
Бемор кундан-кунга оғирлашяпти.
Фазилат опанинг аҳволи оғирлашиб борарди. Ранги сарғайиб, озиб чўп бўлиб қолди. — М. Ҳазратқулов, Журъат
9. Ошмоқ, кучаймоқ.
Жинояти оғирлашди. Жазо чоралари оғирлашди.
10. кўчма Гангиб қолмоқ, ўзини ёмон ҳис этмоқ.
Киши дардини англатолмаса оғирлашади. — А. Қаҳҳор, Сароб
Қотмадан келган Смирнов бу сўзларни эшитгач, оғирлашиб кетгандай бўлди. — Ш. Рашидов, Бўрондан кучли
фл. Оғирлашмоқ феълининг орттирма нисбати.
арабчаبدائع مسروقة, badaa'i masruuqaрусчаукраденные вещиинглизчаStealed things
