Поиск

ot Birovning bergan tuz-namagi, non-tuzi qadrini bilmaydigan, yaxshilikka yomonlik qiluvchi, tuzini yeb, tuzlugʻiga tupuruvchi; koʻrnamak, nontepki.

Boy., quturib baqirdi: — San nonkoʻrsan, man sani tuqqanim, jigarim, dedim. Ovqat berdim, kiyim berdim, bu — zulm emish! — Oybek, Tanlangan asarlar

Xoʻjasizlik va beparvolik orqasida dasturxonimiz ziynati — non oyogʻosti qilinmoqda, bunday kishilarni el nonkoʻr deydi. — Gazetadan

ot Nonkoʻr kishilarga xos xatti-harakat, ish; koʻrnamaklik, nontepkilik.

Koʻrdingizmi, noqobil farzand, man uni yurtning katta boyiga unashtirsam, nodon qiz bir yalangoyoq bilan qochibdi, kulib turgan baxtiga yuzni teskari burish — bu qanday nonkoʻrlik! — Oybek, Tanlangan asarlar

— Kelinglar, tabiatning saxiyligiga nonkoʻrlik qilmaylik. Togʻda oʻsgan mevali daraxtlarni parvarish qilaylik! — dedi Nazarov. — S.Anorboyev, Oqsoy