Qidiruv

ot 1. Shaxs yoki narsa-predmetlarga qoʻyilgan ot; ism.

Shahar nomlari. Nom qoʻymoq. Nom bermoq.

Keksayib qolgan eshonning xotirasi ancha pasayganidan koʻp vaqt oʻz oʻgʻillarining nomlarini ham xotinidan soʻrab olar edi. — P. Tursun, Oʻqituvchi

2. Biror sohaga, guruhga oidlikni bildiruvchi atama.

Mansur, Muslim! Senga bir gap boʻldimi? Muallim degan nomimiz bor, shunday vaqtda ish koʻrsatmasak, qachon koʻrsatamiz?! 3. Said, N. — Safarov, Tarix tilga kirdi

3. Faoliyatning biror sohasida erishgan yutuq, malaka darajasini koʻrsatish uchun rasmiy yoʻl bilan beriladigan unvon.

Faxriy nom. Xizmat koʻrsatgan artist degan nom. Klassik kurash boʻyicha mamlakat chempioni degan nom.

4. Koʻpchilik orasida maʼlum-mashhurlik; dong, dovruq, shuhrat.

Nomi chiqqan kurashchi. Nom chiqargan jamoa xoʻjaligi.

Ochil Eshnazar Siyob volostining Qoʻshtamgʻali qishlogʻida nom chiqargan shaxs edi. — M. Oʻrinxoʻjayev, Unutilmas kunlar

ot 1. Rasmiy yozishma, maktub, xat.

[Majdiddin:] Moʻminmirzoni oʻrtaga solib, shahzoda Badiuzzamonga noma yuboring. — Uygʻun va I. Sulton, Alisher Navoiy.

2. Adabiy janr: Sharq mumtoz adabiyotida real yoki xayoliy-toʻqima shaxsga qarata sheʼriy maktub tarzida yozilgan badiiy asar turi.

Oʻzbek mumtoz adabiyotida noma janrining paydo boʻlishi Xorazmiy nomi bilan bogʻliq boʻlib, uning Muhabbatnoma asari ana shu janrda yaratilgan. — Gazetadan

3. Shu maʼnoda qoʻshma otlar tarkibiga kiradi, masalan Boburnoma. Akbarnoma, Jangnoma.

1. Nollar bilan tugaydigan pul miqdori..

2. Oson ishlab topilgan yoki kutilmagan miqdordagi boylik, pul, daromad

Aqchaga noʻmay

ot 1. Bir turdagi predmetlarning ichida har birining tartib raqami.

Uy nomeri. Telefon nomeri.

Shukur, el qatori eshigimda nomer qoqilgan. Har qayerda bir yuz-u oltmish uchinchi, deb xat tashlasang keladi. — A. Qahhor, Qoʻshchinor chiroqlari

2. Hujjat, roʻyxatga olish va shu kabilar belgisi sifatidagi maʼlum raqamlar yozilgan yorliq, taxtacha.

Mashina nomeri. Velosiped nomeri. Pasport nomeri.

3. Kiyim-kechak, poyabzal va shu kabilarning katta-kichikligini, oʻlchamini bildiruvchi raqam.

Men undan ikki nomer katta etik kiyaman.

4. Mehmonxona, hammom va shu kabilarda alohida boʻlma, xona.

— Mehmonni mehmonxonaga olib bordim. Unga ikki xonali juda yaxshi nomer olib qoʻyilgan ekan, — dedi Meliboy aka. — A. Qahhor, Dumli odamlar

Qoʻqonda nomerda bir Oʻris injener bilan tanishdim. — Oybek, Tanlangan asarlar

5. Teatr, sirk, konsert va shu kabilarning har bir alohida ijro etiladigan qismi.

Programma nomerini eʼlon qilmoq.

Konferansye — yoshgina bir mariy yigiti chiqib: — Konsertimizning birinchi nomerida oʻzim mashq qilib beraman, — dedi. — A. Qahhor, Oltin yulduz

Avdeyev navbatdagi masʼuliyatli nomerni bajarishga tayyorgarlik koʻrish uchun qoʻshni xonaga kirib ketdi. — Fan va turmush

6. harb. Toʻpchilar, pulemyotchilar guruhida maʼlum xizmatni bajaruvchi jangchi.

sft. Nomi bilan ataluvchi,.nomidagi, deb atalgan,.degan.

Navoiy nomli maktab.

Bu mahallada unga masʼul boʻlgan ikki kishi bor edi. Biri — guzarda taqachilik-temirchilik qiladigan Qoratoy, ikkinchisi — Shokir ota nomli mahsidoʻz chol. — Oybek, Tanlangan asarlar

ot 1. Kishining oʻz obroʻyini ulugʻlash va ardoqlash his-tuygʻusi; oriyat, diyonat, vijdon.

Nomusini yerga bukmoq. Nomus va gʻayrati bor odam mehnatdan qoʻrqmaydi. Nodon bilan yurma, Nomusingni bukma. — Maqol

2. Xijolat tortish his-tuygʻusi; uyat-andisha, sharm, hayo, or.

Nomusga qoʻymoq.

[Jamila:] Hayo benomusda boʻlmaydi! Hayosizda nomus boʻlmaydi. — Hamza, Boy ila xizmatchi

Nomus! Nomus er kishini oʻldiradi-ya! — Shuhrat, Shinelli yillar

[Hayitjon:] Otasi bechora boʻlsa, qancha vaqt el-xalqdan nomus qilganidan, allaqanday shaharlarga badargʻa boʻlib, yaqinda keldi. — Hamza, Paranji sirlari

3. Qiz pokligi, bokiralik, iffat, qizlik.

Baxtsiz onalarning koʻz yoshlari, bolalarning, qizlarning tahqirlangan nomusi uchun soʻnggi nafasgacha kurashing. Oʻlim, tiz choʻkish yoʻq! — Oybek, Quyosh qoraymas

Agar it tegmagan boʻlsa, pokman, nomusim joyida desang, kel, beri kel. — M. Mansurov, Yombi