Қидирув

от 1. Шахс ёки нарса-предметларга қўйилган от; исм.

Шаҳар номлари. Ном қўймоқ. Ном бермоқ.

Кексайиб қолган эшоннинг хотираси анча пасайганидан кўп вақт ўз ўғилларининг номларини ҳам хотинидан сўраб олар эди. — П. Турсун, Ўқитувчи

2. Бирор соҳага, гуруҳга оидликни билдирувчи атама.

Мансур, Муслим! Сенга бир гап бўлдими? Муаллим деган номимиз бор, шундай вақтда иш кўрсатмасак, қачон кўрсатамиз?! 3. Саид, Н. — Сафаров, Тарих тилга кирди

3. Фаолиятнинг бирор соҳасида эришган ютуқ, малака даражасини кўрсатиш учун расмий ёʻл билан бериладиган унвон.

Фахрий ном. Хизмат кўрсатган артист деган ном. Классик кураш бўйича мамлакат чемпиони деган ном.

4. Кўпчилик орасида маълум-машҳурлик; донг, довруқ, шуҳрат.

Номи чиққан курашчи. Ном чиқарган жамоа хўжалиги.

Очил Эшназар Сиёб волостининг Қўштамғали қишлоғида ном чиқарган шахс эди. — М. Ўринхўжаев, Унутилмас кунлар

от 1. Расмий ёзишма, мактуб, хат.

[Маждиддин:] Мўминмирзони ўртага солиб, шаҳзода Бадиуззамонга нома юборинг. — Уйғун ва И. Султон, Алишер Навоий.

2. Адабий жанр: Шарқ мумтоз адабиётида реал ёки хаёлий-тўқима шахсга қарата шеърий мактуб тарзида ёзилган бадиий асар тури.

Ўзбек мумтоз адабиётида нома жанрининг пайдо бўлиши Хоразмий номи билан боғлиқ бўлиб, унинг Муҳаббатнома асари ана шу жанрда яратилган. — Газетадан

3. Шу маънода қўшма отлар таркибига киради, масалан Бобурнома. Акбарнома, Жангнома.

1. Ноллар билан тугайдиган пул миқдори..

2. Осон ишлаб топилган ёки кутилмаган миқдордаги бойлик, пул, даромад

Ақчага нўмай

от 1. Бир турдаги предметларнинг ичида ҳар бирининг тартиб рақами.

Уй номери. Телефон номери.

Шукур, эл қатори эшигимда номер қоқилган. Ҳар қаерда бир юз-у олтмиш учинчи, деб хат ташласанг келади. — А. Қаҳҳор, Қўшчинор чироқлари

2. Ҳужжат, рўйхатга олиш ва шу кабилар белгиси сифатидаги маълум рақамлар ёзилган ёрлиқ, тахтача.

Машина номери. Велосипед номери. Паспорт номери.

3. Кийим-кечак, поябзал ва шу кабиларнинг катта-кичиклигини, ўлчамини билдирувчи рақам.

Мен ундан икки номер катта этик кияман.

4. Меҳмонхона, ҳаммом ва шу кабиларда алоҳида бўлма, хона.

— Меҳмонни меҳмонхонага олиб бордим. Унга икки хонали жуда яхши номер олиб қўйилган экан, — деди Мелибой ака. — А. Қаҳҳор, Думли одамлар

Қўқонда номерда бир Ўрис инженер билан танишдим. — Ойбек, Танланган асарлар

5. Театр, сирк, консерт ва шу кабиларнинг ҳар бир алоҳида ижро этиладиган қисми.

Программа номерини эълон қилмоқ.

Конферансе — ёшгина бир марий йигити чиқиб: — Консертимизнинг биринчи номерида ўзим машқ қилиб бераман, — деди. — А. Қаҳҳор, Олтин юлдуз

Авдеев навбатдаги масъулиятли номерни бажаришга тайёргарлик кўриш учун қўшни хонага кириб кетди. — Фан ва турмуш

6. ҳарб. Тўпчилар, пулемётчилар гуруҳида маълум хизматни бажарувчи жангчи.

сфт. Номи билан аталувчи,.номидаги, деб аталган,.деган.

Навоий номли мактаб.

Бу маҳаллада унга масъул бўлган икки киши бор эди. Бири — гузарда тақачилик-темирчилик қиладиган Қоратой, иккинчиси — Шокир ота номли маҳсидўз чол. — Ойбек, Танланган асарлар

от 1. Кишининг ўз обрўйини улуғлаш ва ардоқлаш ҳис-туйғуси; орият, диёнат, виждон.

Номусини ерга букмоқ. Номус ва ғайрати бор одам меҳнатдан қўрқмайди. Нодон билан юрма, Номусингни букма. — Мақол

2. Хижолат тортиш ҳис-туйғуси; уят-андиша, шарм, ҳаё, ор.

Номусга қўймоқ.

[Жамила:] Ҳаё беномусда бўлмайди! Ҳаёсизда номус бўлмайди. — Ҳамза, Бой ила хизматчи

Номус! Номус эр кишини ўлдиради-я! — Шуҳрат, Шинелли йиллар

[Ҳайитжон:] Отаси бечора бўлса, қанча вақт эл-халқдан номус қилганидан, аллақандай шаҳарларга бадарға бўлиб, яқинда келди. — Ҳамза, Паранжи сирлари

3. Қиз поклиги, бокиралик, иффат, қизлик.

Бахциз оналарнинг кўз ёшлари, болаларнинг, қизларнинг таҳқирланган номуси учун сўнгги нафасгача курашинг. Ўлим, тиз чўкиш ёʻқ! — Ойбек, Қуёш қораймас

Агар ит тегмаган бўлса, покман, номусим жойида десанг, кел, бери кел. — М. Мансуров, Ёмби