Qidiruv

ot 1. Muayyan birlik yoki miqdorning yoʻqligini ifodalovchi 0 belgisining nomi.

2. Issiqlik va sovuqlik temperaturalari oʻrtasidagi shartli chegara.

Suv nol darajada muzlaydi.

Suv haroratini nol darajaga yetkazgach, yalang oyoq qorda yurish ham hech gap emas. — Fan va turmush

ot 1. Gʻam-alam, hasrat ifodalovchi ayanchli ovoz; afgʻon, figʻon, faryod.

Ingrab, oʻksib qolgan onasiz Koʻkka, yerga sigʻmas nolasi. — H. Poʻlat

Gʻulomjon ruhiy azob otashida qovurilib, xoʻrlik jon-jonidan oʻtib ketgan kezlarida oʻzini tutolmay nola qilardi. — M. Ismoiliy, Fargʻona tong otguncha.

2. Yolvorish, oʻtinish, iltijo ifodalovchi ovoz, mungli tovush.

[Mirkarim] Kecha-kunduz xudoga ibodat va nola qilib, pachava boʻlgan oʻz ishining oʻnglanishini va totli oʻtmishning qaytarilishini soʻrardi. — P. Tursun, Oʻqituvchi

3. koʻchma Qushlar sayrashi yoki musiqa asboblaridan tarqalgan ovoz.

Dutor nolasi.

Devor orqasi Sohib qorining anorzori. Hammayoq jimjit, faqat onda-sonda bulbullar nolasi eshitiladi. — I. Rahim, Chin muhabbat

Nayning sehrli nolasi butun dala boʻylab aks sado berdi. — Gazetadan

4. Musiqa bezaklaridan biri; ashula aytganda, biror soʻz yoki soʻz boʻgʻinida ovozni choʻzib, tebratib xonish qilish.

ot esk. kt. Nola, figʻon qiluvchi, afgʻon chekuvchi.

Otmagay tong bogʻaro azming xiromon boʻlmasa, Bulbuli shaydolari gul uzra nolon boʻlmasa. — S. Abdulla

nalalı, hásiretli

Nola, figʻon

Har kim titrar Shi-rinbek nolishiga, Yoqasi hoʻl koʻzdan oqqan yoshiga — "Shirin bilan Shakar"

fl. Norozilik izhor qilmoq, shikoyat qilmoq, zorlanmoq.

Tillabuvadan keyin soʻzga chiqqanlarning biri kambagʻalchilikdan nolib, yana biri mushtumzoʻrlar haqida Tillabuvaning soʻzini quvvatladi. — A. Qahhor, Qoʻshchinor chiroqlari

Rahmat, birodar. Sogʻligimdan nolimayman. Uzoq yillar sholichilik brigadasiga boshchilik qilaman. — Gazetadan