Izohli lugʻat
· yana 4 ta lugʻatda
ot Tuvaksimon sopolga teri qoplab yasalgan va ikkita choʻp bilan urib chalinadigan bir juft musiqa asbobi.
Nogʻora ovozi. Nogʻora chalmoq.
Nogʻora choʻpining tez urilishi, bachchaning bir aylanishi va kuchli, yalpi qiyqiriq bilan bazmning birinchi qismi tugadi. Oybek, — Tanlangan asarlar
- Nogʻora qilmoq Jar solib hammaga maʼlum qilmoq, doʻmbira qilmoq. Qarasam, aybimni olamga nogʻora qiladigan. — Mushtum
- [Birovning] nogʻorasiga oʻynamoq Birovning aytganini qilmoq, birovning izmi, gapi bilan ish qilmoq. Yoʻq, deb koʻring-chi, pravleniye Oyqiz bilan Olimjonning nogʻorasiga oʻynaydi. — Sh. Rashidov, Boʻrondan kuchli.
- Toʻydan keyin nogʻora Vaqti oʻtgandan soʻng, gʻanimat fursat qoʻldan berilgandan keyin gʻayrat koʻrsatilganda aytiladigan ibora.
- Toʻydan oldin nogʻora chalmoq (yoki qoqmoq) Oʻzi yoʻq, hali boʻlmagan narsa haqida jar solmoq. Uzoq toʻyga oldindan nogʻora qoqish yaramaydi. — Oybek, Oltin vodiydan shabadalar
- Oʻzingga boq — nogʻora qoq Avval oʻzingga qara, soʻngra birovning aybi, kamchiligi haqida gapir.