Поиск

olm. 1. Narsa-predmet haqida soʻroqni ifodalaydi; nima?

Senga ne boʻldi?

Endi senga nelar aytayin? — I. Olimjon

Ne deydi sening oʻsgan yeringni? — Goʻroʻgʻli

2. Belgi haqida soʻroqni bildiradi; qanday?

Ne aybi bor?

3. Maʼno kuchaytirish uchun qoʻllanadi.

Akam sodda dehqon yigitga oʻxshaydi, sodda boʻlgani yaxshi. Negaki, shumlarning qoʻliga tushib, ne balolarga giriftor boʻldim. — Oybek, Tanlangan asarlar

[Qodirqul:] Men uchun ne baxtli kundirki, toʻramiz qorongʻi kulbamni yoritdilar! — Hamza, Boy ila xizmatchi

olm. 1. Harakat yoki hodisaning sababi haqida soʻroqni ifodalaydi; nima uchun?

Qani, rostini ayt-chi, nega qoʻnimsizsan? — A. Qahhor, Qanotsiz chittak

2. Ritorik soʻroq gaplarda soʻzlovchining aytilgan, boʻlib oʻtgan yoki koʻzda tutilgan harakat, hodisa va shu kabilarga salbiy (afsuslanish, achinish) munosabatini bildiradi.

Gʻam, qoʻrquv titrogʻi bilan ezilgan Gulnor koʻrpaga oʻralib oʻyladi: Nega kecha qochmadim? — Oybek, Tanlangan asarlar

Men aytaman, bolam, qoʻlimdan shuncha ish kelar ekan, dadang hayot vaqtida nega bersang — yeyman, ursang — oʻlaman, deb oʻtirgan ekanman! — A. Qahhor, Qoʻshchinor chiroqlari

ot q. Negrlar.

Negr xalqi. Negr ayol.

esk. ayn. Nimaiki.

Navoiy: Xaloyiq nafʼidur har neki bildik, Xaloyiq bilsa bas, har neki qildik. Uygʻun va I. — Sulton, Alisher Navoiy

Men neki degan boʻlsam, koʻnglimdagini dedim, neki yozgan boʻlsam, koʻrgan-bilganimni yozdim. — S. Siyoyev, Yorugʻlik

ot anat.fiziol. Bosh miya, orqa miya va nerv tugunlarini gavdaning boshqa aʼzo va toʻqimalari bilan bogʻlaydigan, asosan, nerv tolalari tugunidan iborat murakkab anatomik tuzilma va ularning har biri; asab.

Koʻrish nervi. Harakatlantiruvchi nervlar. Nerv sistemasi. Nerv toʻqimalari.

Tepki kasalligida ayrim hollarda nerv sistemasida har xil oʻzgarish boʻlib, yengil oʻtadigan meningit ham boʻlishi mumkin. — Saodat

Koʻp va xilma-xil; qanchadan-qancha.

Mallaxondan beri yashayman, bolam, ne-ne xonlarning, ne-ne beklarning otlarini koʻrganman, ne-ne otlar oʻz qoʻlimdan ham oʻtgan. Ammo, bu otjon ekan. — Oybek, Tanlangan asarlar

Ular ne-ne xatarli jangda Birga oʻtga kirdi yonma-yon. — Z. Obidov