«nazokatli» boʻyicha 5 ta natija: Izohli
sft. Yurish-turishi, harakati va muomalasi nozik, latif va yoqimli, nazokati bilan kishiga yoqadigan; odobli.
Nazokatli ayol. Nazokatli boʻlmoq.
Uyda yolgʻiz oʻtirganida ham, ishda ham Gulxayrining nazokatli boqishlari, haroratli lablari koʻz oldidan nari ketmay, yuragiga oʻt tutashadi. — S. Nurov, Narvon
Mahalladagi qariyalar yoshlarni yuksak maʼnaviy poklikka, nazokatli boʻlishga oʻrgatadilar. — Gazetadan
ot 1. Kishining yurish-turishi, harakat va qiliqlaridagi noziklik, latofat.
Qiz asilzodalarga xos bir nazokat bilan oʻzini erkin tutib kulimsirayotgan boʻlsa ham, koʻzining hayodan yaltillab ketganini Mavlono Fazliddin payqadi. — P. Qodirov, Yulduzli tunlar
Zeboning oʻzi salobati, koʻrkamligi, nazokati, latofati va tabassumi bilan xayolni chulgʻab kelardi. — Shuhrat, Shinelli yillar.
2. Muomaladagi noziklik, odob.
Murod darrov turib, hoji bilan soʻrashdi va nazokat bilan unga joy koʻrsatdi. — A. Qahhor, Yillar
Mayor qizning tirsagidan yigitlardek nazokat bilan ushlab, Aʼzamlarning oldiga olib keldi. — Shuhrat, Jannat qidirganlar
3. Nazokat (xotin-qizlar ismi).
aristokratik Aristokratiyaga, kiborlarga, oqsuyaklarga oid. Aristokratik jamiyat. Aristokratlarga, oqsuyaklarga xos boʻlgan; nazokatli. Aristokratik xulq-atvor. Aristokra
nari Soʻzlovchidan yoki soʻz borayotgan payt yo oʻrindan uzoq, olis. Nari tur. Hechqisi yoʻq, bir kun nari, bir kun beri. Vokzaldan nari. Toshkentdan nari. Anvarni oʻzlar
nozik Yuksak mahorat va sanʼat bilan juda bejirim qilib ishlangan; nafis, latif. Iskandarov havas va taajjub bilan binolarga, boy jihozlarga, ayniqsa, nozik sanʼat buyuml
