Поиск

ot 1. Narsalarning umumiy belgilari bilan birlashuvchi guruhi; tur, xil.

Mevalarning kechpishar navlari.

Mardon Yoʻlchiyevich har kuni tong bilan tosha chiqib, yongʻoq navlarini oʻrganardi. — J. Abdullaxonov, Oriyat

2. Molning, buyumning sifat, qiymat jihatdan xili, turi; sorti.

Biron buyumni sifatsiz ishlab, aʼlo navga haq olish noinsoflik, vijdonsizlik, toʻgʻrirogʻi, oʻgʻrilikning boshqa bir turi-ku! — N. Safarov, Olovli izlar

ot Navigator, navigatsiya mutaxassisi.

esk. kt. Yozuvchi, adib.

ot 1. Kemalar qatnovi; uchish apparatlarida uchish.

2. Maʼlum suv yoʻllarida mahalliy ob-havo sharoitlariga koʻra kema qatnovlari mumkin boʻlgan vaqt, mavsum.

3. Kemalarni, havodan ogʻir uchish apparatlarini, kosmik kemalarni belgilangan yoʻldan toʻgʻri va xavf-xatarsiz yurgizish usullari haqidagi fan.

ot 1. Kuy, ohang; xonish.

Qumrining toʻyi: Bezalgan uyi, Nayning navosi Qayta-qaytadan Chalinib tinmay. — Gʻ. Gʻulom

Shundan soʻngra sen qadah ushlab, Xumor koʻzla boqqil samoga, Tingla qushning ezgu orzusin, Quloq bergin mayin navoga. — H. Olimjon

2. koʻchma Maʼlum bir narsaning zavqi.

Avaz oʻrnidan qushday yengil turdi. Oppoq boʻlib yorishgan yangi tong havosidan, bezovta koʻnglida tugʻilgan yangicha bir tuygʻular navosidan jon-jahoni yayradi. — S. Siyoyev, Avaz

3. (katta harf bilan) Shashmaqom tizimidagi ikkinchi maqom nomi

Dutorni sozlash uchun reza kuylardangina olib turgan mashshoq, Otabek kutmagan joyda, Navo dan boshlab yuborgan edi. — A. Qodiriy, Oʻtgan kunlar

4. kam qoʻll. Gʻam-alam ifoda etuvchi ayanchli ovoz; nola.

Koʻzlarida nozik bir oʻt chaqnadi. U faxr oʻtimidi, yo qahr oʻti — bilib boʻlmadi. Lekin magʻrur kishining ovozi bilan emas, dilgir kishining navosi bilan javob qildi. — M. Ismoiliy, Fargʻona t. o.

olm. 1. koʻrs. olm. Oʻzidan naridagi, tilga olib oʻtilgan, oʻtgan narsa, hodisalarni koʻrsatadi, unga ishora qiladi.

[Davlatyor] Elmurodni turtib: Men sizga aytgan qizni koʻrsataymi? Hoʻ, anavi, oʻrtadagi. — P. Tursun, Oʻqituvchi

Otabek garangsigan qiyofada. Anavilar [Ziyo shohichi va uning oʻgʻli Rahmat] oʻzlarini birmuncha tetik tutmoqda edilar. — A. Qodiriy, Oʻtgan kunlar

2. Gapirayotgan vaqtda koʻz oldida yoʻq, nazarda tutilayotgan shaxs, narsa va shu kabilarga ishora qiladi.

Buni Otabek payqamagan boʻlsa ham anavi gapning aniq shu majlisda ochilishiga koʻzi yetib, chiqib ketishning ilojini qilolmadi. — A. Qodiriy, Oʻtgan kunlar

Anavi kuni mendan xafa boʻldingiz-a — Oʻ. Hoshimov, Qalbingga quloq sol